ՀՀ խորհրդարանի պատվիրակությունը նոյեմբերի 10-14-ը գտնվելու է Գերմանիայում
ՀՀ Ազգային ժողովի Հայաստան-Գերմանիա բարեկամության պատգամավորական խումբը` ՀՀ ԱԺ փոխնախագահ Արևիկ Պետրոսյանի գլխավորությամբ, նոյեմբերի 10-14-ը կայցելի Գերմանիա, «Նովոստի-Արմենիա» գործակալությանը տեղեկացրեցին ՀՀ խորհրդարանի հասարակայնության հետ կապերի վարչութունից։
Այցը տեղի կունենա ԳԴՀ Բունդեստագի Գերմանիա-Հարավային Կովկաս բարեկամության պատգամավորական խմբի ղեկավար Շտեֆեն Ռայխեի հրավերով։
«Այցի ծրագրով նախատեսվում են հանդիպումներ Բեռլինում` խորհրդարանի երկու պալատներում և Բրանդենբուրգի երկրամասի Լանտագում (խորհրդարանում):
Այցի մանրամասների քննարկման նպատակով նախօրեին անցկացվել է աշխատանքային խորհրդակցություն, որի ընթացքում ՀՀ ֆինանսների նախարար, Հայաստան-Գերմանիա միջկառավարական հանձնաժողովի նախագահ Տիգրան Դավթյանը և արտաքին գործերի փոխնախարար Արման Կիրակոսյանը բարեկամության խմբի անդամներին տեղեկություններ են հաղորդել հայ-գերմանական ֆինանսատնտեսական, առևտրական ու միջպետական հարաբերությունների մասին։-0-
