Երեք մարդ վնասվածքներ են ստացել Հրազդան քաղաքում տեղի ունեցած ավտովթարի հետևանքով
03.07.2008,
15:05
Երեք մարդ վնասվածքներ են ստացել Հրազդան քաղաքում տեղի ունեցած ավտովթարի հետևանքով
Երեք մարդ ստացել են տարբեր աստիճանի մարմնական վնասվածքներ Հրազդան քաղաքում տեղի ունեցած ճանապարհատրանսպորտային պատահարի հետևանքով, «Նովոստի-Արմենիա» գործակալությանը տեղեկացրեցին ՀՀ փրկարար ծառայությունից։
Պատահարը տեղի է ունեցել չորեքշաբթի։ «ԳԱԶ-24» մակնիշի ավտոմեքենան բախվել է ճամփեզրին կայանած «ՎԱԶ-2106» մակնիշի ավտոմեքենային, այնուհետև վրաերթի ենթարկել երեք քաղաքացու:
Պատահարի հետևանքով «ՎԱԶ-2106»-ի վարորդ, Արարատ քաղաքի բնակիչ Պատվական Հովակիմյանը, ինչպես նաև Հրազդանի բնակիչներ Թամարա և Վարո Մհերյանները ստացել են տարբեր աստիճանի մարմնական վնասվածքներ և տեղափոխվել Հրազդանի հիվանդանոց:
Ըստ բժիշկների` Թամարա Մհերյանի վիճակը ծանր է, մյուս երկու տուժածներինը` միջին ծանրության: -0-
Պատճենել հղումը
