Արվել է հնարավոր ամեն ինչ` ընտրությունները պատշաճ մակարդակով կազմակերպելու համար. ՀՀ նախագահ
ԵՐԵՎԱՆ, 18 փետրվարի. /Նովոստի-Արմենիա/. Արվել է հնարավոր ամեն ինչ` ընտրությունները պատշաճ մակարդակով կազմակերպելու համար։
Ինչպես «Նովոստի-Արմենիա» գործակալությանը հայտնեցին ՀՀ նախագահի մամլո գրասենյակից՝ այս մասին հայտարարել է նախագահ Ռոբերտ Քոչարյանը տարածաշրջանային այցով Հայաստանում գտնվող ԵԱՀԿ գործող նախագահի հատուկ ներկայացուցիչ Հեյկի Թալվիթիեին հետ հանդիպման ժամանակ:
Հաղորդագրության համաձայն՝ Թալվիթիեն տեղեկացրել է, որ առաջիկա օրերի ընթացքում համակարգելու է Հայաստանում ԵԱՀԿ դիտորդական առաքելությունների աշխատանքը:
Զրուցակիցները մտքեր են փոխանակել ընտրական գործընթացի և, ընդհանրապես, նախընտրական իրավիճակի վերաբերյալ:
Փետրվարի 19-ին Հայաստանում կանցկացվեն հերթական նախագահական ընտրությունները, որին կմասնակցի ինը թեկնածու։
Ընտրություններին կհետևի շուրջ 14 հազար դիտորդ 39 տեղական և 6 միջազգային կազմակերպոթւյուններից։
Հայաստանում ԵԱՀԿ-ն ներկայացնում են երկու առաքելություններ՝ Ժողովրդավարական հաստատությունների և մարդու իրավունքների գրասենյակը (ԺՀՄԻԳ) ԵԱՀԿ պատգամավորական վեհաժողովը, որի կազմում 400 մարդ կա։-0-
