ԵՐԵՎԱՆ, 17 փետրվարի./Նովոստի-Արմենիա/. Հայաստանի և Թուրքիայի միջև հարաբերությունների կարգավորումը կապահովի կայունություն և խաղաղություն տարածաշրջանում, տնտեսական համագործակցություն, ինչպես նաև գործընկերություն այլ ոլորտներում։ Այս մասին «Անոդոլու»-ին տված հարցազրույցում ասել է ԱԺ փոխխոսնակ, Թուրքիայի հետ կարգավորման բանակցություններում Հայաստանի բանագնաց Ռուբեն Ռուբինյանը։
Загружается новость ... "Лево"
Նա նշել է, որ թեև բանակցությունների հաջորդ փուլի ժամկետը դեռ որոշված չէ, սակայն շատ կարևոր է, որ ավելի քան 30 տարվա ընթացքում առաջին անգամ Հայաստանն ու Թուրքիան կապող կամուրջ կբացվի։
«Թուրքիայի արտգործնախարար (Մևլութ- խմբ.) Չավուշօղլուի հետ հանդիպման ժամանակ մենք պայմանավորվածություններ ձեռք բերեցինք որոշ հարցերի շուրջ: Օրինակ՝ պայմանավորվեցինք համատեղ վերականգնել Անիի պատմական կամուրջը, որի մի մասը գտնվում է Հայաստանում, մյուս մասը՝ Թուրքիայում։ , և արագացնել հարաբերությունների կարգավորման գործընթացը, որպեսզի սահմանն ամբողջությամբ բաց լինի», - ասել է Ռուբինյանը։-0-