Մայքլ Ջեքսոնի ստեղծագործությունների նոր սիմֆոնիկ մեկնաբանությունը՝ հայկական դուդուկի նվագակցությամբ, Կասկադում համախմբել է 13 հազ. հանդիսատեսի (ՖՈՏՈ)
ԵՐԵՎԱՆ, 22 հուլիսի․/Նովոստի-Արմենիա/․ Հայաստանի պետական սիմֆոնիկ նվագախմբի 20-րդ հոբելյանական համերգաշրջանի փակմանը նվիրված գալա-համերգը հուլիսի 21-ի երեկոյան Կասկադում՝ Գաֆէսճեան քանդակների պարտեզում, հավաքել է շուրջ 13 հազար հանդիսատես։
Երաժշտական երեկույթի ամենավառ պահերից մեկն է դարձել Մայքլ Ջեքսոնի ստեղծագործության նոր սիմֆոնիկ մեկնաբանությունը, որում հանդիսատեսի վրա առանձնահատուկ տպավորություն է թողել հայկական դուդուկի հնչողությունը։ Այս ելույթի տեսանյութը հրապարակում է «Жизнь в Армении» տելեգրամյան ալիքը։
Դիրիժոր Սերգեյ Սմբատյանի ղեկավարությամբ նվագախումբը կատարել է ինչպես համաշխարհային դասական երաժշտության գլուխգործոցներ, այնպես էլ ստեղծագործություններ իր ամենահայտնի նախագծերից։
Համերգը դարձավ Հայաստանի պետական սիմֆոնիկ նվագախմբի 20-րդ հոբելյանական համերգաշրջանի եզրափակիչ ակորդը և վերստին ցույց տվեց, որ սիմֆոնիկ երաժշտությունն ունակ է միավորել հազարավոր մարդկանց՝ ձևավորելով առանձնահատուկ մշակութային մթնոլորտ Երևանի հենց սրտում։
Կարդացեք նաև. Ագարակում մեծ շուքով նշվել է Լեռնագործի և մետալուրգի օրը
