434.08
7.76
412.62
-273
Եղանակը Երևանում
Հայ

«Երեմյան Փրոջեքթսի» ղեկավար. աշխատում ենք գյուղատնտեսության ոլորտում, որպեսզի հնարավորինս կանխենք պարենային անվտանգության հետ կապված հնարավոր խնդիրները

11:55
29 Մարտի 2020

ԵՐԵՎԱՆ, 26 մարտի./Նովոստի–Արմենիա/. «Երեմյան Փրոջեքթս» ընկերության հիմնադիր և սեփականատեր Դավիթ Երեմյանի հարցազրույցը` «ԱՌԿԱ» և «Նովոստի–Արմենիա» գործակալություններին #SaveBusiness հատուկ նախագծի շրջանակում։

Ինչպե՞ս է փոխվել «Երեմյան Փրոջեքթս»-ի գործունեությունը Հայաստանում կորոնավիրուսի վարակի տարածումից հետո։

доставщик Еремян проджектс ресторан

Դ. Երեմյան. Մարտի 16-ին, երբ կորոնավիրուսի տարածման կանխարգելման նպատակով ՀՀ կառավարությունը Հայաստանի ամբողջ տարածքում արտակարգ դրություն հայտարարելու որոշում ընդունեց, հենց նույն օրը ժամանակավորապես դադարեցրեցինք «Երեմյան Փրոջեքթս» ընկերության բոլոր ռեստորանների գործունեությունը: Մեր հարազատների առողջությունը, մեր երկրի անվտանգությունն ամենակարևորն են:

Ստեղծված իրավիճակում «Երեմյան Փրոջեքթս»-ի թիմը կրկնակի հագեցած գրաֆիկով է աշխատում: «Պանդոկ Երևան» ռեստորանների ցանցի առաքման ծառայությունը գործում է արտակարգ ռեժիմով և իրականացվում է անվճար Երևանի ողջ տարածքում:

Բայց սա ավելի շատ սոցիալական բաղադրիչ ունի. խոհանոցում պատրաստվող սննդի մեծ մասն ուղարկվում է մեկուսացման մեջ գտնվող մեր հայրենակիցներին, հիվանդանոցներ՝ բուժաշխատողներին, ուստի մասնավոր պատվերներից ստացված եկամուտը հիմնականում ուղղում ենք հենց այդ բարեգործական նախաձեռնություններին։ Բնականաբար մեր առաքիչները սնունդը մատակարարում են պահպանելով սանիտարահիգիենիկ բոլոր կանոնները՝ կրելով ձեռնոցներ, դիմակներ, օգտագործելով ախտահանիչ միջոցներ: Հիմա էլ առաքման ցանցի մեծ թիմին միացել են նաև «Երեմյան Փրոջեքթս»-ի այլ աշխատակիցներ՝ մեր մենեջերները, մատուցողները, որպեսզի ավելի արագ և արդյունավետ կազմակերպենք մեր աշխատանքը:

Որքանո՞վ է առաքման ծառայությունը պահանջված, ի՞նչ են հիմնականում պատվիրում։

Դ. Երեմյան. Հատկապես այս շրջանում անմիջական շփումներից ու մարդաշատ վայրերում հայտնվելուց զերծ մնալու համար առաքման ծառայություններից օգտվելն ամենանպատակահարմարն է: Այս տեսանկյունց առաքման ծառայությունների նշանակությունն աճել է: Հիմա առավել քան կարևորվում է թարմ մթերքներից պատրաստված առողջ սնունդը։

Ինչ վերաբերում է «Պանդոկ Երևանի» առաքման ծառայության պատվերներին, նշեմ, որ ակտիվություն ամենից շատ նկատվում է 12.00, 17.00-18.00 և 21.00-ից հետո՝ այսինքն ընդմիջման, ճաշի և ընթրիքի ժամերին։

Հաճախորդների թվում են բանկերի, տարբեր հաստատությունների ներկայացուցիչները, ինչպես նաև տանից աշխատող կամ պարզապես ինքնամեկուսացման մեջ գտնվող մեր քաղաքացիները:

Ընդհանուր առմամբ չեմ կարող ասել, որ ծավալը լրջորեն փոխվել է, քանի որ փոխվել են նախ և առաջ պատվերների բնույթը։ Եթե մինչև արտակարգ դրություն գրանցում էինք հիմնականում անհատական փոքր պատվերներ, յուրաքանչյուրը քիչ արժեքով, ապա այսօր որոշակիորեն փոխվել է թե՛ պատվերների քանակը, թե՛ դրանց ընդհանուր արժեքը։ Այս օրերին ավելի շատ պատվիրում են ոչ թե առանձին անձինք իրենց, այլ՝ ամբողջ ընտանիքի համար` նախընտրությունը տալով ապուրներին, մսային ուտեստներին և այլն։ Կտրուկ նվազել են, նույնիսկ կարող եմ ասել, գրեթե չեն պատվիրում մեր ֆիրմային ուտեստները, որոնք նախատեսված էին տոնական խնջույքների համար․ մարդիկ չեն հավաքվում մեծ ճաշկերույթների։

Եվ մենք էլ, գիտակցելով սոցիալական հեռավորություն պահելու և անմիջական շփումներից զերծ մնալու կարևորությունը՝ հորդորում ենք, որ պատվեր տալուց մարդիկ վճարեն անկանխիկ՝ հատուկ տերմինալով։ Անկանխիկ վճարման տերմինալները ևս ախտահանվում են յուրաքանչյուր օգտագործումից հետո։

Գործարկվե՞լ են արդյոք «հակակորոնավիրուսային» միջոցառումներ։

Еремян проджектс ресторан

Դ. Երեմյան. Անկախ ստեղծված իրավիճակից՝ մեր հաստատություններում ախտահանման գործընթացն ամենօրյա աշխատանքի մասն է, որը մշտապես վերահսկվում է: Իսկ այս օրերին մենք ուժեղացրել ենք հսկողությունը սանիտարական նորմերի և կանոնների պահանջների կատարման նկատմամբ, ինտենսիվացրել ենք ախտահանման գործընթացներն ու ձեռնարկել համապատասխան կանխարգելիչ միջոցառումներ:

«Երեմյան Փրոջեքթս» ընկերության բոլոր հաստատություններում տեղադրված են բակտերիցիդային լամպեր և օդի վարակազերծիչ սարքեր, հաճախակի ախտահանվում են դռների բռնակները, սարքավորումները, սանհանգույցներն ու ընդհանուր տարածքները: Ամեն օր մեր բոլոր աշխատակիցներն անցնում են զննում. ստուգվում է նրանց ջերմությունը, տրամադրվում են հակասեպտիկ միջոցներ,  բժշկական պաշտպանիչ դիմակներ և ձեռնոցներ։ 

Հույս ունե՞ք, որ պետությունը կօգնի։ Կոնկրետ ի՞նչ միջոցառումներ կկարողանային աջակցել ձեր բիզնեսին այս իրավիճակում։

Դ. Երեմյան. Նմանատիպ իրավիճակում աշխարհի մի շարք երկրներում տնտեսական ճգնաժամերից խուսափելու համար պետությունն աջակցում է բիզնեսներին: Օրինակ` հարկադիր պարապուրդի գնացած աշխատակիցների աշխատավարձերի սուբսիդավորում է իրականացնում: Մենք, ինչպես և շատ բիզնեսներ ձգտում ենք պահպանել մեր թիմը, մեր աշխատակազմը։ Սակայն հիմա, չգիտենք էլ, թե որքան կտևի այս իրավիճակը, շատ հնարավոր է, որ որոշ ժամանակ անց բիզնեսն ուղղակի չկարողանա պահել իր աշխատակիցներին: Բիզնեսներին անտոկոս վարկեր տրամադրելու վերաբերյալ միջոցառումներն ինչ-որ չափով կթեթևացնեն գործարարի հոգսը, բայց ամբողջությամբ հարցի լուծում չեն։

Ռուս ռեստորատորները ոլորտում ստեղծված իրավիճակն արդեն համարում են աղետալի և կործանարար։ Համաձա՞յն եք այս գնահատականի հետ։ Ինչպե՞ս կմեկնաբանեիք այս ոլորտում ստեղծված իրավիճակը Հայաստանում։

Еремян проджектс ресторан

Դ. Երեմյան. Այս պայմաններում ամենից շատ տուժած ոլորտներից է HoReCa-ն՝ ռեստորանային և հյուրանոցային ծառայությունները: Չի բացառվում, որ ստեղծված իրավիճակը կայունանալուն պես մի շարք ռեստորաններ, սրճարաններ, ժամանցի վայրեր  այլևս չկարողանան ոտքի կանգնել և շարունակել իրենց գործունեությունը: Շատ հաստատություններ ուղղակի կփակվեն։ Կարծում եմ` այսօր և առաջիկայում բիզնեսների համար շատ դժվար է լինելու վերականգնել տարիների ստեղծածը, շարունակել բնականոն աշխատանքը: Դեռ բավականին երկար ժամանակ ու ռեսուրս կպահանջվի, և այդտեղ էլ է անհրաժեշտ պետության աջակցությունը։
Մենք էլ զարգացման ուժգին տեմպ ունեինք, համարձակ ծրագրեր։ Բայց այս պահին «Երեմյան Փրոջեքթս»-ը «սառեցրել է» երկարաժամկետ ծրագրերն ու պլանները: Մարտավարության կտրուկ փոփոխություն է լինելու, և բոլորս սպասում ենք, թե երբ է մեղմանալու այս ճգնաժամային իրավիճակը։

Ներկայում մենք մեր գործունեության վեկտորը փոխել ենք դեպի գյուղատնտեսական նախագծեր, քանի որ հնարավոր են ռիսկեր պարենային անվտանգության հետ կապված։ Ակտիվ աշխատում ենք գյուղատնտեսության ոլորտում, որպեսզի հնարավորինս կանխենք պարենային անվտանգության և մթերքի սակավության հետ կապված հնարավոր խնդիրները:

Հիմա ակտիվ գործարկում ենք կաթնամթերքի արտադրությունը, և շուտով շուկա կմտնի մեր ֆերմաների կաթը։ Մեր Դիլիջանի ֆերմայի միսն ենք բաց թողել շուկա։ Եվ հետ չենք կանգնել այն մտքից, որ պլանավորած նոր անասնաքանակը մուտք գործի Հայաստան, որպեսզի մեր բնակիչներին ապահովենք որակյալ սննդամթերքի անհրաժեշտ քանակով:

Կատարե՞լ եք կորոնավիրուսի հետևանքով ոլորտին հասցված վնասի նախնական հաշվարկ։

Դ. Երեմյան. Քանի որ անորոշ է, թե որքան է շարունակվելու այս իրավիճակը, ամբողջական հաշվարկներ չունենք, դեռևս ուսումնասիրում ենք, թեպետ և յուրաքանչյուր օր իմ սեղանին հայտնվում են հաշվետվություններ, որոնք, ավաղ, սփոփիչ չեն …

Այնուամենայնիվ, չենք հուսահատվում։ Զինվե՛նք համբերությամբ և լավատեսությամբ: Լինե՛նք հոգատար և նրբանկատ: Եվ ամենակարևորը՝ լինե՛նք առողջ։–0–


Ծանոթացեք լուրերին առաջինն ու քննարկեք դրանք մեր Telegram-յան ալիքում

Partners News
ԱՌԿԱ գործակալություն
Բաժնի այլ նյութեր
14:16
24 Մայիսի 2022
ARARAT թանգարանն ավանդաբար միանում է «Թանգարանների գիշեր» ակցիային. որքանո՞վ են կարևոր նման նախաձեռնությունները (ՖՈՏՈ)
Երևանի կոնյակի գործարանի ARARAT թանգարանի ղեկավար Առնո Թադևոսյանը հարցազրույցի շրջանակում պատասխանել է մի քանի հարցի, որոնք վերաբերում են նման նախաձեռնությունների կարևորությանը, նա նաև խոսել է թանգարանի նոր ծրագրերի մասին
21:15
21 Մարտի 2022
33 հարց` հայտնի աճպարար Արամ Ղարիբյանին (ՎԻԴԵՈ)
Խաղաքարտերի նկատմամբ սերն Արամին սովորեցրին անհավանական ֆոկուսներ, որոնք անտարբեր չթողեցին նաև մեր նկարահանող խմբին. ՎԻԴԵՈ
19:37
01 Հունվարի 2022
Հասմիկ Կարապետյանը` անցյալի սխալների, ամուսնու և շատ գումար աշխատելու մասին. ԱՆհարմար հարցեր (ՎԻԴԵՈ)
Հասմիկ Կարապետյանը` անցյալի սխալների, ամուսնու և շատ գումար աշխատելու մասին. ԱՆհարմար հարցեր. ՎԻԴԵՈ
21:56
16 Դեկտեմբերի 2021
DJ Վակցինան` լեսբի լինելու բամբասանքի, ընկերներ կորցնելու և քաղաքականության մասին (ՎԻԴԵՈ)
Այս անգամ մեր ԱՆհարմար հարցերի պատասխանները հղել ենք DJ Վակցինային։ Զրուցել ենք բնավորության վատ գծերից ու սովորություններից, բամբասանքներից, քաղաքական գրառումներից, երեխաներից, երազանքներից և այլ. ՎԻԴԵՈ
14:18
13 Դեկտեմբերի 2021
Բարեգործությունից դեպի բիզնես․ Հայաստանում գործարկվել է Khachen քրաուդֆանդինգային հարթակը (ԷՔՍԿԼՅՈՒԶԻՎ)
Հայաստանում գործարկվել է Khachen նոր՝ սոցիալական պատասխանատվությամբ քլաուդֆանդինգային հարթակը, որի նպատակն է վերականգնել և զարգացնել միկրո և փոքր բիզնեսը հանրապետության տարածքում
16:58
06 Դեկտեմբերի 2021
Covid-19 համավարակը դարձավ Արդշինբանկի ամենաուժեղ աջակիցը բանկի թվային տրանսֆորմացիայի գործում․վարչության նախագահ
Արդշինբանկի Վարչության նախագահ Արտակ Անանյանի հարցազրույցը Financial Times-ի The Banker ամսագրում՝ Տարվա լավագույն բանկը ճանաչվելու կապակցությամբ
11:09
11 Նոյեմբերի 2021
«Գալաքսին» թիմով հաջողության հասնելու պատմություն է. Արամ Խաչատրյան
«Փոքր թիմից` Հայաստանի խոշոր գործատու». «Նովոստի Արմենիա» լրատվական գործակալության հետ զրույցում «Գալաքսի» ընկերությունների խմբի համահիմնադիր և գլխավոր տնօրեն Արամ Խաչատրյանն ամփոփել է ընկերության 22 տարվա գործունեությունը
11:55
24 Օգոստոսի 2021
Վերափոխումն և վստահությունը կարևոր նշանակություն ունեն ժամանակակից բանկային ոլորտում հաջողության հասնելու համար . Արտակ Հանեսյան
Հեղինակավոր GlobalMarkets ամսագրի հետ հարցազրույցում Ամերիաբանկի գլխավոր տնօրեն Արտակ Հանեսյանը խոսում է բանկի ռազմավարության,  հայկական շուկայում բանկի ունեցած դիրքի, հաջողությունների և անելիքների մասին
14:53
07 Մայիսի 2021
Փաշինյանը փորձելու է Ռուսաստանին հեռացնել տարածաշրջանից. Հրանտ Մելիք-Շահնազարյան (ՎԻԴԵՈ)
«Նովոստի–Արմենիա»–ի Youtube–յան ալիքով հեռարձակվող «Հատուկ կարծիք» հաղորդաշարի շրջանակում քաղաքագետ Հրանտ Մելիք–Շահնազարյանի հետ զրուցել ենք այն մասին, թե ինչ քաղաքական զարգացումներ կարող են սպասվել մեզ առաջիկա ամիսներին. ՎԻԴԵՈ
14:37
30 Ապրիլի 2021
Բորիս Ֆոկին. Հայաստանն ունի առավելություն, որը կդարձնի երկիրը համաշխարհային առաջնորդ գոյատևելու հարցում սթրեսի և անորոշության պայմաններում
Hay'Li Human Development–ի համահիմնադիր, Abakus մենթալ թվաբանության կենտրոնի հիմնադիր և CIS Armenia International School–ի համահիմնադիր Բորիս Ֆոկինը խոսել է Հայաստանի ապագայի, նրա առավելությունների և այն մասին, թե  ինչու է Հայաստանը դեպի իրեն ձգում ոգով ուժեղ մարդկանց
18:17
22 Ապրիլի 2021
Ի՞նչ պետք է անի Հայաստանը տնտեսական «հրաշքին» հասնելու համար. Տիգրան Արզաքանցյանը՝ բիզնեսի մասին. ԷՔՍԿԼՅՈւԶԻՎ (ՎԻԴԵՈ)
ԱԺ նախկին պատգամավոր,  «Ցար Տիգրան» բրենդի հիմնադիր Տիգրան Արզաքանցյանն անդրադարձել է Հայաստանում ստեղծված տնտեսական իրավիճակին ու այն ճանապարհներին, որոնք կօգնեն հաղթահարել մերօրյա բարդությունները. ԷՔՍԿԼՅՈւԶԻՎ. ՎԻԴԵՈ
15:54
22 Ապրիլի 2021
Ամերիաբանկի խորհրդի անկախ անդամ Ֆիլիպ Լինչ. հաջողությունը գործոնները կառավարելու և վերահսկելու ունակությունն է (ՎԻԴԵՈ)
Ամերիաբանկի խորհրդի անկախ անդամ Ֆիլիպ Լինչն անդրադարձ է կատարել մի շարք թեմաների. Հայաստանի տնտեսության զարգացման միտումները, Ամերիաբանկի հաջողության գրավականը, մասնավորապես` կառավարման կայուն և ուժեղ համակարգն ու զարգացման հեռանկարները. ՎԻԴԵՈ