Հրդեհ է բռնկվել Երևանի Սիլիկյան թաղամասի աղբավայրում

ԵՐԵՎԱՆ, 6 օգոստոսի․/Նովոստի–Արմենիա/․ Օգոստոսի 6-ին՝ ժամը 20։54-ին, ՆԳՆ 112 օպերատիվ կառավարման կենտրոն ահազանգ է ստացվել, որ հրդեհ է բռնկվել Երևան քաղաքի Սիլիկյան թաղամասում գտնվող աղբավայրում, հաղորդում է Փրկարար ծառայությունը։

Դեպքի վայր է մեկնել ՆԳՆ ՓԾ Երևան քաղաքի փրկարարական վարչության հրշեջ-փրկարարական ջոկատներից երեք մարտական հաշվարկ։

Ըստ նախնական տվյալների՝ այրվում է շինարարական աղբ։ Հրդեհը մեկուսացվել է ժամը 23։11-ին։

Կարդացեք նաև․ Ողբերգական դեպք՝ Նուբարաշենի աղբավայրում․ աղբը լցվել է 29-ամյա աշխատակցի վրա, նրա կյանքը փրկել չի հաջողվել