Դաժան ծեծի ենթարկված 1-ամյա երեխայի կյանքը փրկել չի հաջողվել
ԵՐԵՎԱՆ, 21 մարտի․/Նովոստի-Արմենիա/. Դաժան ծեծի ենթարկված 1-ամյա երեխայի կյանքը փրկել չի հաջողվել։
Ինչպես տեղեկացնում է Առաջին լրատվականը, «Արաբկիր» բժշկական կենտրոնում մահացել է խորթ մոր կողմից դաժան ծեծի ենթարկված մեկամյա փոքրիկը:
Հիշեցնենք, որ 1–ամյա Ալեքսանը ծանր վիճակում, կլինիկական մահ ախտորոշմամբ, տեղափոխվել է «Արաբկիր» ԲԿ։ Նախնական տվյալներով՝ նա մոր բացակայության ընթացքում ենթարկվել է դաժան ծեծի։ Երեխան որոշ ժամանակ բնակվել է հոր և նրա երկրորդ կնոջ հետ։ Երեխայի մայրը հայտնել է, որ երեխային մի քանի օրով թողել է նրա հոր և հոր երկրորդ կնոջ տանը։ Նրա խոսքով՝ նախկին ամուսնու ընտանիքի հետ լավ հարաբերություններ է ունեցել և կարծում էր, որ երեխան այնտեղ ապահով կլինի։
Դեպքի առթիվ նախաձեռնվել է քրեական վարույթ՝ սպանության փորձի հատկանիշներով։ Ձերբակալվել է երեխայի հոր երկրորդ կինը։
