Երևանյան բազմաբնակարան շենքերից մեկի վերելակի չորս թոկերից մեկը պոկվել է

ԵՐԵՎԱՆ, 9 մայիսի./Նովոստի–Արմենիա/. Երևանի բազմաբնակարան շենքերից մեկի վերելակի չորս թոկերից մեկը պոկվել է։

«Աջափնյակում՝ 16 թաղամասում բազմաբնակարան շենքի վերելակի չորս թոկերից մեկը պոկվել է, վերելակը երկրորդ հարկից սովորականից ավելի արագ իջել է առաջին հարկ, որտեղ դռները բացվել են», – Facebook–յան իր էջում հայտնել է Երևանի քաղաքապետարանի մամուլի քարտուղար Հակոբ Կարապետյանը։

Նրա խոսքով, վերելակում գտնվող չորս անձինք վնասվածքներ չունեն։

ՀՀ ԱԻՆ փրկարար ծառայության հաղորդմամբ, միջադեպը տեղի է ունեցել Նորաշեն թաղամասի թիվ 24 շենքում։

«Վերելակը 2-րդ հարկի մակարդակից հայտնվել է 1-ին հարկի մակարդակում, իսկ ներսում գտնվող քաղաքացիներն ինքնուրույն դուրս են եկել․ տուժածներ չկան: Փրկարարները սահմանազատել են տարածքը», – նշված է գերատեսչության հաղորդագրության մեջ։–0–