ԵՐԵՎԱՆ, 21 նոյեմբերի./Նովոստի–Արմենիա/. ՀՀ ԱԻՆ Փրկարար ծառայությունը մանրամասներ է հայտնում այսօր Երևանում տեղի ունեցած սարսափելի ավտովթարից։
Նոյեմբերի 21-ին, ժամը 13:46-ին «911» ծառայություն ահազանգ է ստացվել, որ Երևանի Դավիթ Բեկի փողոցում՝ գազալցակայանի մոտակայքում, տեղի է ունեցել ՃՏՊ. կա զոհ և տուժած, առկա է գազի արտահոսք:
Դեպքի վայր են մեկնել ԱԻՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ և փրկարարական ուժերի վարչության հատուկ նշանակության փրկարարական աշխատանքների իրականացման կենտրոնի փրկարարական ջոկատը:
Загружается новость ... "Лево"
Պարզվել է, որ Դավիթ Բեկի փողոցի թիվ 101/1 հասցեի մոտակայքում բախվել են «ԶԻԼ» (վարորդ՝ Արծրուն Գ., ծնված 1989 թ.) և «BMW» (վարորդ՝ Սահակ Ղ., ծնված 1995 թ.) մակնիշների ավտոմեքենաները: Պատահարի հետևանքով վերջինս կողաշրջվել է: «BMW»-ի վարորդը տեղում մահացել է, իսկ ուղևորը՝ Ռոբերտ Կ.-ն (ծնված 1998 թ.), մինչ փրկարարների՝ կանչի վայր հասնելը հոսպիտալացվել է «Սուրբ Գրիգոր Լուսավորիչ» ԲԿ: Բժիշկները տուժածի առողջական վիճակը գնահատել են ծայրահեղ ծանր:
Փրկարարները հոսանքազրկել են «ԶԻԼ» մակնիշի ավտոմեքենան, փակել գազի բալոնի փականը, սահմանազատել տարածքը և վարորդի դին մոտեցրել շտապօգնության ավտոմեքենային:–0–
