Երևանում 30–ամյա քաղաքացին բարձրացել է շենքի տանիքը՝ փորձելով ինքնասպան լինել (ՎԻԴԵՈ)
23.07.2024,
22:10
Քաղաքացին փորձել է ինքնասպան լինել․ կադրեր դեպքի վայրից
ԵՐԵՎԱՆ, 23 հուլիսի․/Նովոստի–Արմենիա/․ Հուլիսի 23-ին, ժամը 11:45-ին ՆԳՆ ոստիկանության օպերատիվ կառավարման կենտրոն տեղեկություն է ստացվել, որ Երևան քաղաքի Գրիգոր Հասրաթյան փողոցի շենքերից մեկի տանիքին քաղաքացի է բարձրացել և սպառնում է ինքնասպանություն գործել, հաղորդում է ՀՀ Փրկարար ծառայությունը։
Դեպքի վայր են մեկնել ՆԳՆ ՓԾ Երևան քաղաքի փրկարարական վարչության 7-րդ հրշեջ-փրկարարական ջոկատից մեկ մարտական հաշվարկ, Հոգեբանական աջակցության բաժնի և Ճգնաժամային կառավարման ազգային կենտրոնի հերթապահ խմբերը։
Դեպքի վայրում են եղել նաև ոստիկանության և շտապօգնության աշխատակիցներ։
Ժամը 12:33-ին փրկարարներին հաջողվել է կանխել 1994 թ. ծնված քաղաքացու ինքնասպանության փորձը։ Նա տեղափոխվել է ոստիկանության Մաշտոցի բաժին:
Պատճենել հղումը
