Սարսափելի ավտովթար Երևանում․ 8 մեքենա է բախվել, կա երեք զոհ

ԵՐԵՎԱՆ, 22 հուլիսի․/Նովոստի–Արմենիա/․ Այսօր՝ հուլիսի 22-ին, խոշոր, շղթայական և ողբերգական ավտովթար է տեղի ունեցել Երևանում: 

Shamshyan.com-ի հաղորդմամբ, ժամը 10:30-ի սահմաններում Դավիթ Բեկի պողոտայում բախվել են «Toyota Land Cruiser», «Opel», «Mercedes», «BMW,», «Nissan», 2 «ԶԻԼ» մակնիշի և «Nissan» մակնիշի ավոտմեքնենաները:

Վթարի հետևանքով 2 մարդ տեղում մահացել են, 2 մարդ տարբեր աստիճանի մարմնական վնասվածքնեորվ տեղափոխվել է Երևանի տարբեր հիվանդանոցներ: Մահացածներին ավտոմեքենայից դուրս են բերել փրկարարները՝ օգտագործելով հատուկ տեխնիկա:

Վթարի փաստով քննչական բաժնում նախաձեռնվել է քրեական վարույթ: Մինչ դեպքի վայրում աշխատում էր քննչական խումբը, հիվանդանոցից ահազանգ է  ստացվել, որ վիրավորներից մեկը, գիտակցության չգալով, մահացել է:

Քննիչի հանձնարարականով՝ ավտոմեքենաները տեղափոխվում են ՊԾ Երևան քաղաքի գնդի պահպանվող հատուկ տարածք:

Ոստիկանությունն ու քննչական բաժինը պարզում են վարորդների, մահացածների և վիրավորի ինքնությունը: Ըստ տեղեկությունների՝ ավտոմեքենաներից մի քանիսը եղել են կայանված:

Ծանուցում. ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով։