ԵՐԵՎԱՆ, 22 հոկտեմբերի./Նովոստի–Արմենիա/. Հոլիվուդյան աստղ Ալեք Բոլդուինի մասնակցությամբ «Ժանգ» ֆիլմի նկարահանումների ժամանակ ողբերգություն է տեղի ունեցել։ Բոլդուինը պատահաբար կրակել է կին օպերատորի վրա, նա մահացել է։ Եվս մեկ մարդ վիրավորվել է։ Այս մասին հաղորդում է «Սթարհիթը»։
Ողբերգական միջադեպը տեղի է ունեցել Նյու Մեքսիկոյում նկարահանումների ժամանակ։ Բոլդուինը պետք է կրակեր ռեկվիզիտային ատրճանակից, բայց գնդակի մասնիկները ցրվել են, ինչի հետևանքով լուրջ վնասվածքներ են ստացել ռեժիսոր Ջոել Սոուզն ու օպերատոր Հալինա Հաչինսը։
Ջոելը ծայրահեղ ծանր վիճակում է, Հալինային փրկել չի հաջողվել։ Ոստիկանությունում արդեն հաստատել են 63–ամյա դերասանի կապը միջադեպի հետ։
Հիմա քննիչները պետք է պարզեն, թե ինչու է խնդիր առաջացել ատրճանակի հետ։ Ֆիլմի նկարահանումները դադարեցվել են։–0–
