Տեխասի և Մեքսիկայի սահմանին հարյուրավոր միգրանտներ ճեղքել են սահմանային պատն ու փորձել մուտք գործել ԱՄՆ (ՎԻԴԵՈ)

ԵՐԵՎԱՆ, 22 մարտի․/Նովոստի–Արմենիա/․ Հինգշաբթի ավելի քան 100 միգրանտներից բաղկացած խումբը, որը փորձել է անօրինական կերպով մուտք գործել ԱՄՆ, ճեղքել է սահմանային պատն ու փշալարերը՝ իրենց ճանապարհին հարվածելով նաև սահմանապահներին, հայտնում է New York Post–ը՝ հրապարակելով տեսանյութ։

The Post-ն ականատես է եղել այն բանի, թե ինչպես են մոտ 600 միգրանտներ կուտակվել միջազգային սահմանին, որոնց Տեխասի ազգային գվարդիան փորձում է հետ մղել։

Իրավիճակը սրվել է, քանի որ խմբերը բաժանվել են ավելի փոքր խմբերի։ Տեսանյութում երևում է, թե ինչպես են միգրանտներն օգնություն կանչում և վազում դեպի սահմանային դարպասը:–0–