Հայաստանի բնակիչների մեծամասնությունը չի վարում անձնական բյուջե․ ի՞նչ է ցույց տվել «Финики» ալիքում կազմակերպված հարցումը

ԵՐԵՎԱՆ, 1 դեկտեմբերի․/Նովոստի–Արմենիա/․ Նոյեմբերի 17-ին «Финики» թելեգրամ-ալիքում անցկացված հարցման համաձայն՝ մասնակիցների միայն մեկ քառորդն է համակարգված վերահսկում սեփական ծախսերը։ Հարցումը ցույց է տվել, որ անձնական բյուջե վարելու պրակտիկան առայժմ թույլ կողմն է օգտատերերի մեծամասնության համար։

Հարցմանը մասնակցել է 986 մարդ։ «Դուք բյուջե վա՞րում եք» հարցի պատասխանները բաշխվել են հետևյալ կերպ.

•       22%-ը նշել է, որ բյուջե վարում է՝ ըստ խիստ պլանի և հաշվի է առնում ծախսերի յուրաքանչյուր հոդվածը։

•        9%-ը ֆինանսական հաշվառման համար օգտագործում է բջջային հավելվածներ, բայց դա անում է ոչ կանոնավոր։

•         8%-ը ծախսերը գրառում է ձեռքով՝ ժամանակ առ ժամանակ վերադառնալով այդ սովորությանը։

•       43%-ը խոստովանել է, որ ընդհանրապես բյուջե չի վարում և միայն փորձում է «ավելորդը չծախսել»։

•        18%-ը հայտարարել է, որ ծանոթ չէ ֆինանսական պլանավորման պրակտիկային կամ այն համարում է ավելորդ։

Ծախսերի վերահսկողությունը մնում է հազվադեպ սովորություն

Ընդհանուր առմամբ, հարցվածների մոտ 37%-ը այսպես թե այնպես փորձում է հետևել իր ծախսերին, սակայն մեծ մասը դա անում է պարբերաբար։ Մասնակիցների գրեթե կեսը՝ 43%-ը, չի ֆիքսում ծախսերը և ապավինում է ծախսերը ինտուիտիվ սահմանափակմանը։ Փորձագետները նշում են, որ հենց ֆինանսական հաշվառման բացակայությունն է ամենից հաճախ հանգեցնում «փողը չի հերիքում» զգացողությանը, նույնիսկ կայուն եկամուտ ունենալու դեպքում։

Ինչու է դա կարևոր

Ֆինանսական խորհրդատուները շեշտում են. ծախսերի նույնիսկ բազային հաշվառումն օգնում է ձևավորել «անվտանգության բարձիկ», պլանավորել գնումները, կրճատել ոչ պարտադիր ծախսերը և անցնել երկարաժամկետ նպատակներին՝ կուտակումներից մինչև ներդրումներ։

Անցկացված հարցումը ցույց է տալիս ֆինանսական կրթվածության նկատմամբ աճող հետաքրքրություն, սակայն նաև ցուցադրում է մատչելի գործիքների և կրթական նյութերի անհրաժեշտությունը, որոնք կօգնեն օգտատերերին մշակել կայուն սովորություններ անձնական ֆինանսների կառավարման գործում։

Նյութը պատրաստվել է ԱՄԻ «Նովոստի–Արմենիա»– ի և ՀՀ կենտրոնական բանկի Սպառողների զորակցման կենտրոնի (www.abcfinance.am) «Ֆինանսական գրագիտություն» համատեղ նախագծի շրջանակում։