Փորձագետները նշում են Եվրատեսիլ 2019-ի առավել հավանական հաղթողին

ԵՐԵՎԱՆ, 17 մարտի. /Նովոստի-Արմենիա/. El Periodico իսպանական թերթը հրապարակել է Եվրատեսիլ 2019 երգի մրցույթի առավել հավանական առաջատարների վարկանիշը:

Այսպես, հաղթանակի հավակնորդներից առաջատար են համարում հոլանդացի Դունկան Լոուրենսին իր «Arcade» կատարմամբ: Կատարողին համեմատում են Coldplay-ի և Ադելի հետ:

Երկրորդ հավակնորդ է համարվում շվեդ երաժիշտ Ջոն Լյուդվիկին հոգևոր երգչախմբով «Too late for love» կոմպոզիցիայով: Պարբերականը նշել է, որ Շվեդիան վերջին հինգ տարիների ընթացքում հայտնվել է Եվրատեսիլի առաջատարների տասնյակում:

Ռուսաստանը ներկայացնող Սերգեյ Լազարևն այդ ցուցակում երրորդ հորիզոնականում է «Scream» կոմպոզիցիայով:

Հիշեցնենք, որ Հայաստանը Եվրատեսիլում այս տարի կներկայացնի Սրբուկը Walking Out երգով:


Սրբուհի Սարգսյանը ելույթ կունենա «Եվրատեսիլ 2019» երգի միջազգային մրցույթի երկրորդ կիսաեզրափակչում, որը կանցկացվի մայիսի 16–ին Թել Ավիվի Ցուցահանդեսային կենտրոնում։

Առաջին կիսաեզրափակիչը կանցկացվի մայիսի 14–ին։

«Եվրատեսիլ 2019»–ի եզրափակիչը կկայանա Թել Ավիվի Ցուցահանդեսային կենտրոնում մայիսի 18–ին։ Իսրայելն այդ մրցույթն իր մոտ ընդունել է նաև 1979 և 1999 թվականներին։-0-