Պատանի հայուհին Ֆրանսիայում իր ելույթով այնպես է ցնցել Պատրիկ Ֆիորիին, որ նա դուետով երգել է «Դլե Յամանը» (ՎԻԴԵՈ)
10:48
29 Հոկտեմբերի 2018
ԵՐԵՎԱՆ, 29 հոկտեմբերի. /Նովոստի–Արմենիա/. Ֆրանսիական TF1 հեռուստաալիքով հեռարձակվող «Ձայնը. երեխաներ» հեռուստաշոուի պատանի մասնակից Էրմոնիան իր ելույթով ցնցել է ժյուրիի անդամներին և հանդիսատեսին։
Աղջիկը «Կույր լսումներ» փուլում փայլուն կատարել է Էտա Ջեյմսի Something's got a hold on me ստեղծագործությունը։
Ելույթից հետո ժյուրիի անդամ Պատրիկ Ֆիորին հետաքրքրվել է աղջնակից, թե ինչ են նրանք ուտում տանը, և աղջիկը պատասխանել է` տոլմա։
«Ես այդպես էլ գիտեի, որ դու հայ ես», – բացականչել է Ֆիորին և բարձրանալով բեմ` Էրմոնիայի հետ երգել է «Դլե յաման» հայկական ժողովրդական ստեղծագործությունը։
«Ձայնը. երեխաներ» ֆրանսիական շոուի 5–րդ եթերաշրջանը հեռարձակվում է 2018 թ.–ի հոկտեմբերի 12–ից։ Բացի Ֆիորիից, ժյուրիի կազմում են նաև Ջենիֆերը, Սոպրանոն և Ամել Բենթը։
Պատրիկ Ֆիորին (իսկական անունն է Պատրիկ Ժան–Ֆրանսուա Շուշայան) առաջին անգամ ելույթ է ունեցել 12 տարեկանում, երբ ապագա աստղը դուրս է եկել Մարսելի օպերայի բեմ`ֆրանսիացի դերասան Ֆրանկ Ֆերնանդելի հրավերով։Ֆիորին միջազգային ճանաչում է ստացել 1993 թ.–ին «Եվրատեսիլում» ելույթ ունենալուց հետո, երբ «Mama Corsica» ստեղծագործությամբ զբաղեցրել է 4–րդ տեղը։ «Եվրատեսիլից» հետո Ֆիորին սկսել է ծանոթանալ կոմպոզիտորների հետ, ակտիվորեն գրել երգեր և 1994–1995 թթ.–ին թողարկել է երկու ալբոմ։ Երգիչն ընդհանուր առմամբ ձայնագրել է 9 ալբոմ, որից «L’instinct masculin»–ը դարձել է պլատինե։ Պատրիկն ունի երկու որդի, ավագ որդու անունը Սևան է։–0–
«Նռան գույնը» պարային ներկայացման հայաստանյան պրեմիերան տեղի կունենա 2024 թվականի մարտին՝ Ա. Սպենդիարյանի անվան օպերայի և բալետի ազգային ակադեմիական թատրոնում
Ի նշանավորումն Սերգեյ Փարաջանովի 100-ամյակի, Երևանի կոնյակի գործարանի ARARAT թանգարանն իր ժամանակավոր ցուցադրությունների սրահում բացում է «Սերգեյ Փարաջանով․ Չընդհատված թռիչք» ցուցադրությունը