Մահացել է ռեժիսոր Էլդար Ռյազանովը
![Մահացել է ռեժիսոր Էլդար Ռյազանովը Մահացել է ռեժիսոր Էլդար Ռյազանովը](/upload/iblock/161/jon8x54wn9pke57si2zr4z9cmu6k01f8.jpg)
ԵՐԵՎԱՆ, 30 նոյեմբերի. /Նովոստի–Արմենիա/. 89 տարեկանում մահացել է ԽՍՀՄ ժողովրդական արտիստ Էլդար Ռյազանովը։ Այդ մասին ՏԱՍՍ–ին հայտնել են ռեժիսորի ընտանիքի անդամները։
«Ցավոք, մենք պաշտոնապես հաստատում ենք այդ տեղեկությունը», – ասել է գործակալության զրուցակիցը։
Էլդար Ռյազանովը նոյեմբերի 21–ին տեղափոխվել էր հիվանդանոց։ Մինչ այդ նա բուժում էր ստացել հոկտեմբերին և սեպտեմբերին։ Օգոստոսին Ռյազանովն անոթների պրոֆիլակտիկ մաքրման պրոցեդուրա էր անցել։
Նախորդ տարվա նոյեմբերին Ռյազանովը տեղափոխվել էր Բուրդենկոյի անվան նեյրովիրաբուժության գիտահետազոտական ինստիտուտի վերակենդանացման բաժանմունք` «գլխուղեղի արյան շրջանառության սուր խանգարում» ախտորոշմամբ և մի քանի ամիս բուժվում էր հիվանդանոցում։
Էլդար Ռյազանովը նկարահանել է շուրջ 30 ֆիլմեր, և դրանցից գրեթե յուրաքանչյուրը կինոհիթ է դարձել։ Ռեժիսորի ամենահայտնի ֆիլմերն են «Կարնավալային գիշերը», «Զգուշացիր ավտոմեքենայից», «Ծառայողական սիրավեպ», «Գարաժ», «Ճակատագրի հեգնանքը կամ բաղնիքդ անուշ», «Կայարան երկուսի համար»։–0–