Համացանցում հայտնվել են կադրեր Անժելա Սարաֆյանի մասնակցությամբ նկարահանվող հոլիվուդյան ֆիլմից (ՖՈՏՈ)

ԵՐԵՎԱՆ, 1 փետրվարի. /Նովոստի Արմենիա/. Ռեժիսոր Ջո Բերլինգերը «Աներևակայելի վտանգավոր, ցնցող չար ու նողկալի» ֆիլմի նկարահանումներից ամերիկահայ դերասանուհի Անժելա Սարաֆյանի հետ լուսանկար է հրապարակել:
Ավելի վաղ հայտնի էր դարձել, որ Անժելա Սարաֆյանը Զաք Էֆրոնի, Լիլի Քոլինզի ու Ջոն Մալկովիչի հետ միասին կնկարահանվի Բերլինգերի ֆիլմում:

@angelasarafyan is in the #house for #shoot #day #5 on our #ted #bundy #movie #starring @zacefron and @lilyjcollins ... #excited

A post shared by Joe Berlinger (@joeberlingerfilms) on Jan 24, 2018 at 12:53pm PST

Դերասանուհին նույնպես լուսանկար է հրապարակել նկարահանումներից:
Իրական դեպքերի վրա հիմնված ֆիլմը կպատմի սերիական մարդասպան Թեդ Բանդիի (Զաք Էֆրոն) մասին: Գրավիչ տեսքի շնորհիվ նա գրավում է աղջիկներին, իսկ հետո դաժանաբար սպանում է նրանց: Ֆիլմի պատմությունը կպատմի Էլիզաբեթ Քլոֆլերը (Լիլի Քոլլինզ), ով երկարատև հարաբերություններ է ունեցել Բանդիի հետ:

Անժելա Սարաֆյանը կկատարի Էլիզաբեթի մտերիմ ընկերուհու դերը, ով կօգնի նրան տեսնել սիրելի մարդու ոճրագործությունները: Ջոն Մալկովիչը կխաղա դատավոր Էդվարդ Քովարթի դերը, ով մահապատժի դատավճիռ կկայացնի Թեդ Բանդիի նկատմամբ:

Ֆիլմի ռեժիսորն է Ջո Բերլինգերը: Նա Հայոց ցեղասպանության մասին պատմող «Կործանելու մտադրություն» վավերագրական ֆիլմի ռեժիսորն է: -0-

J O A N N A @joeberlingerfilms

A post shared by AngelaSarafyan (@angelasarafyan) on Jan 31, 2018 at 3:38pm PST