ԵՐԵՎԱՆ, 29 նոյեմբերի. /Նովոստի–Արմենիա/. «Խոստումը» (The Promise) ֆիլմի սաունդթրեքը հավակնում է Grammy-2018–ին, հայտնում է մրցանակի կայքը։
Հեղինակավոր մրցանակի «Լավագույն ռոք կատարում» անվանակարգի հավակնորդ է դարձել Քրիս Քորնելի «Խոստում» երգը։
Grammy-2018 60–րդ ամենամյա մրցանակաբաշխությունը կկայանա 2018 թվականի հունվարի 28–ին Նյու Յորքում։
Ամերիկացի հայտնի վոկալիստ, ալտ և հարդ ռոքի աստղ Քրիս Քորնելը մահացել է 52 տարեկան հասակում 2017 թվականի մայիսի 18–ի գիշերը։
«Խոստումը» ֆիլմը մեծ էկրան է բարձրացել 2017 թ-ի ապրիլի 21-ին:
Ֆիլմի ռեժիսորն է Թերրի Ջորջը («Օսկարի» է առաջադրվել ««Ռուանդա» հյուրանոցը» ֆիլմի համար), սցենարիստը` Ռոբին Սվայկորդը: Ֆիլմում նկարահանվել են Քրիստիան Բեյլը, Ժան Ռենոն, Օսկար Այզեկը, Շարլոտ լե Բոնը, Ջեյմս Կրոմվելը, Դանիել Կաչոն, Շոհրե Ագդաշլուն, Անժելա Սարաֆյանը, Մարվին Քենզարին:
Загружается новость ...
"Право"
Ֆիլմի հիմքում Մայքլ անունով բժիշկ-ուսանողի, գեղեցկուհի Աննայի և Փարիզից ժամանած ամերիկացի լրագրողի միջև սիրային եռանկյունին է: Հայոց ցեղասպանության թեման շոշափող պատմական դրամայի գործողությունները տեղի են ունենում Օսմանյան կայսրության վերջին օրերին:
Հոլիվուդյան «Խոստումը» պատմական ֆիլմի ֆինանսավորումը ամերիկահայ գործարար, միլիարդատեր Քըրք Քըրքորյանի վերջին նախագիծն է: Նա մահացել է 2015-ի հունիսի 16-ին Լոս Անջելեսում: -0-
