SCAT ավիաընկերությունը Ակտաու-Երևան-Ակտաու նոր չվերթ է գործարկել
28.04.2026,
12:49
SCAT ղազախական ավիաընկերությունը գործարկում է Ակտաու – Երևան–Ակտաու նոր չվերթ
ԵՐԵՎԱՆ, 28 ապրիլի․/Նովոստի–Արմենիա/․ SCAT ղազախական ավիաընկերությունը գործարկում է նոր միջազգային երթուղի՝ Ակտաու – Երևան – Ակտաու, հայտնել է ավիաընկերությունը։
«Երևանն ամբողջությամբ մթնոլորտի, համերի և այն էներգիայի մասին է, որին կցանկանաք վերադառնալ նորից ու նորից: Նոր երթուղին նշանակում է նոր հնարավորություններ ճանապարհորդությունների, հանդիպումների և անմոռանալի տպավորությունների համար»,- նշված է հաղորդագրության մեջ:
Ինչպես հայտնում են ավիաընկերությունից, Ակտաու – Երևան – Ակտաու ուղղությամբ թռիչքներն իրականացվելու են շաբաթական երկու անգամ՝ երեքշաբթի և շաբաթ օրերին:
Ավիատոմսերն արդեն կարելի է ձեռք բերել ավիաընկերության պաշտոնական կայքում:
Պատճենել հղումը
