«Նավալնին ատում է հայերին, իսկ Հանրայինը եթերում ցույց է տալիս նրան». Սոլովյովին վրդովեցրել է Հանրայինի ռեպորտաժը (ՎԻԴԵՈ)

ԵՐԵՎԱՆ, 3 հուլիսի./Նովոստի-Արմենիա/. Հայկական մեդիադաշտում հերթական սկանդալն էր  առաջացրել Հանրային հեռուստաընկերության  անդրադարձը ՌԴ Սահմանադրության մեջ փոփոխությունների վերաբերյալ քվեարկության թեմային:

«Համառուսաստանյան հանրաքվեի վերջին և գլխավոր օրը. ընդդիմության և իշխանության տեսակետը» ռեպորտաժի ժամանակ ցուցադրվում է հատված ռուս ընդդիմադիր գործիչ Ալեքսեյ Նավալնու տեսանյութից, ով հայտնի է իշխանական կառույցներում կոռուպցիայի վերաբերյալ իր ուսումնասիրություններով:

Սոլովյովի արձագանքը

Այս փաստը բավականաչափ վրդովեցրել է հեռուստահաղորդավար, լրագրող Վլադիմիր Սոլովյովին:

«Նայեք, ինչ հետաքրքիր է, մենք այդքան սիրում ենք Հայաստանը, մեզ համար բարեկամական երկիր է, իսկ նայեք, թե ում են ցույց տալիս բարեկամական Հայաստանում քվեարկության մասին մեկնաբանություններով: Հայաստանում Հանրային հեռուստաընկերությամբ սահմանադրական փոփոխությունների շուրջ քվեարկության ռեպորտաժի շրջանակում ցույց են տալիս նացիստ Նավալնուն, ով հայերին խաչիկ է անվանում, ով ատում է հայերին, ատում է և արհամարհում է Հայաստանը: Եվ դուք՝ Հանրային հեռուստաընկերություն, ցուցադրում եք այդ մարդուն եթերում»,- նշել է նա YouTube-ում «Սոլովյով-LIVE» հաղորդման ժամանակ:

Իր հերթին Նավալնին իր Twitter-ում կիսվել է Սոլովյովի հաղորդման մի հատվածով՝ հետևյալ մեկնաբանությամբ. «ՀԱՅԱՍՏԱՆՈՒՄ ՀԵՌՈՒՍՏԱՑՈՒՅՑՈՎ ՑՈՒՅՑ ԵՆ ՏԱԼԻՍ ՆԱՎԱԼՆՈՒՆ: Ահա այսպես Հայաստանը դադարեց բարեկամական երկիր լինել Վոլդեմար Սոլովյովի համար»:

В АРМЕНИИ ПОКАЗЫВАЮТ ПО ТЕЛЕВИЗОРУ НАВАЛЬНОГО?!?! Вот так Армения перестала быть дружественной страной для Вольдемара Соловьева pic.twitter.com/S6vLCLWc5f

— Alexey Navalny (@navalny) July 2, 2020

Հայ լրագրողի կարծիքը

Ստեղծված իրավիճակին արձագանքել է նաև հայտնի հեռուստալրագրող Պետրոս Ղազարյանը։

«Ես դեմ չեմ, որ Սոլովյովը ՌՈՍՍԻԱ 1 ի փոխարեն ՀԱՆՐԱՅԻՆ է նայում։ Բայց կարող էր մի քիչ տեղեկացված լինել։ Եթե նեղվել է, որ Հանրայինը մի քանի վայրկյան դրել է Նավալնու կարծիքը, պետք է դիմում գրի դուրս գա, քանի որ իր հարազատ ալիքները նույպես ցուցադրում են Նավալնուն», – գրել է Ղազարյանը Facebook–յան իր էջում` հրապարակելով «Ռոսիա 1»–ի ռեպորտաժի սքրինշոթը, որտեղ առջևի պլանում Նավալնին է։ 

ՌՀՄ–ի քննադատությունը

Ռուսաստանի հայերի միությունում Նավալնուն եթեր տրամադրելու փաստը բնութագրում են որպես մտածված հակահայկական ակցիա Հանրայինի կողմից, որպեսզի «կասկածի տակ դրվի հայերի ստեղծարար դերը Ռուսաստանի կյանքում, ինչպես նաև հայ–ռուսական դաշնակցային հարաբերությունները»։

«Մեր կարծիքով, Հայաստանի ղեկավարությունը պետք է իր գնահատականը տա նրան, որ հայատյաց Նավալնուն ցուցադրել են հարկատուների միջոցներով գործող պետական հեռուստաալիքով», – հայտարարել են ՌՀՄ–ից։

ՌՀՄ–ում վստահ են, որ Ռուսաստանի հայ համայնքի շրջանում դժգոհության ալիք բարձրացրած նման սադրանքների պատվիրատուներին և կատարողներին «չի հաջողվի հասարակական գիտակցության շրջանում արմատավորել հակառուսական հռետորաբանությունը, ավելին` փոխել հայ–ռուսական բարեկամական և դաշնակցային հարաբերությունների զարգացման ուղղությունը»։

Սահմանադրության շուրջ քվեարկության արդյունքները և Փաշինյանի շնորհավորանքը

Ռուսաստանի Դաշնության Սահմանադրության մեջ փոփոխությունների հաստատման շուրջ համառուսական քվեարկությունը տեղի է ունեցել հունիսի 25-ից հուլիսի 1-ը, հիմնական օրը վերջին օրն էր: Ըստ ԿԸՀ-ի տվյալների, արձանագրությունների 100% -ի մշակման արդյունքների համաձայն, քվեարկածների 77,92% -ը կողմ է քվեարկել փոփոխություններին, 21,27% -ը՝ դեմ, երկրում ընդհանուր մասնակցությունը կազմել է 67,97%: -0

Նախօրեին ՀՀ վարչապետ Նիկոլ Փաշինյանը շնորհավորական ուղերձ էր հղել ՌԴ նախագահին քվերակության հաջող անցկացնելու կապակցությամբ:

«Այս իրադարձությունը, իհարկե, սկզբունքային նշանակություն ուներ Ռուսաստանի պետականության հետագա ամրապնդման համար: Վստահ եմ, որ երկրի հիմնական օրենքի մեջ կատարվող փոփոխությունները, որոնք արժանացել են Ռուսաստանի հասարակության ճնշող մեծամասնության հավանությանը, ստեղծում են երկրի հետագա առաջընթացի և նրա սոցիալ-տնտեսական զարգացման համար նպաստող պայմաններ»,- նշվում է վարչապետի շնորհավորական ուղերձում: -0-