Սկանդալ է գրանցվել ԵՊՀ Հոգաբարձուների խորհրդի նիստի ժամանակ (ՖՈՏՈ)
ԵՐԵՎԱՆ, 28 փետրվարի./Նովոստի–Արմենիա/. Սկանդալ է գրանցվել ԵՊՀ Հոգաբարձուների խորհրդի նիստի ընթացքում, որի ժամանակ քննարկվել է բուհի ռեկտոր Արամ Սիմոնյանի հրաժարականի հարցը, հաղորդում է «Նովոստի–Արմենիա» գործակալության թղթակիցը դեպքի վայրից։
Նիստին մասնակցել է հայտնի բլոգեր, ՀՀ ոստիկանապետի նախկին խորհրդական Նարեկ Մալյանը, որը Սիմոնյանին աջակցող շարժման նախաձեռնողն է։
Մալյանը մետաղադրամներ է շպրտել Խորհրդի նախագահ Գևորգ Մուրադյանի սեղանին` մեղադրելով նրան «Սիմոնյանին դավաճանելու մեջ»։
Խորհրդի անդամներից մեկի ելույթի ժամանակ անհայտ անձը հրապարակային կերպով մեղադրել է Սիմոնյանին 30մլն դրամ շորթելու մեջ։ Տղամարդը չի հասցրել պարզաբանել իրավիճակը, քանի որ անվտանգության աշխատակիցները դուրս են հանել նրան սրահից։
Այնուհետև հայտարարվել է Հոգաբարձուների խորհրդի նիստը փակ ռեժիմով անցկացնելու մասին։
