Փաշինյանը հայտարարել է նոր որակի պետության ձևավորման օրակարգին անցում կատարելու մասին

ԵՐԵՎԱՆ, 16 հունիսի․/Նովոստի–Արմենիա/․ 2025 թվականը կարելի է համարել հեղափոխական կառավարման լավագույն տարին, իսկ հաջորդող տարիներին կառավարությունը պետք է ձգտի ամեն տարի արձանագրել հետհեղափոխական կառավարման լավագույն տարին, հայտարարել է ՀՀ վարչապետ Նիկոլ Փաշինյանը։

«Էական եմ համարում, որ մենք 2025 թվականին արձանագրել ենք այն հիմքերը, որոնք մեզ թույլ են տալիս ասելու, որ մենք կարող ենք անցում կատարել դեպի նոր օրակարգ, որը մենք ձևակերպել ենք, այդ թվում՝ 2026 թվականի խորհրդարանական ընտրությունների ժամանակ՝ որպես նոր որակի պետության ձևավորման օրակարգ»,- ասել է Փաշինյանը՝ երեքշաբթի ելույթ ունենալով խորհրդարանում։

Վարչապետը կարևորել է այն հանգամանքը, որ 2025 թվականին Հայաստանն ու Ադրբեջանը հայտարարեցին խաղաղության և միջպետական հարաբերությունների հաստատման մասին համաձայնագրի նախագծի բանակցությունների ավարտի և նախագծի համաձայնեցման մասին։

«2025 թվականին Ադրբեջանի հետ  արձանագրված խաղաղության փաստը 2026 թվականին լեգիտիմություն է ստացել խորհրդարանական ընտրություններում Հայաստանի ժողովրդի կատարած ընտրությամբ և քվեարկությամբ», – նշել է Փաշինյանը։