ԵՐԵՎԱՆ, 22 օգոստոսի. /Նովոստի-Արմենիա/. 12–րդ դարի հայ բժիշկ և գիտնական Մխիթար Հերացու արձանը կկանգնեցվի Թեհրանում, հայտնում է Երևանի Մ.Հերացու անվան պետական բժշկական համալսարանի մամուլի ծառայությունը։
Հաղորդվում է, որ Թեհրանի պետական բժշկական համալսարանի խորհուրդը որոշել է այդ խորհրդանշական քայլով մատնանշել ԵՊԲՀ–ի հետ արդյունավետ գործակցության և երկարատև կապերի հաստատումը։
«Հայ ականավոր գիտնականի արձանը կկանգնեցվի Թեհրանի համալսարանի պուրակում` ի նշան երկու երկրների և բուհերի գործակցության և բարեկամության»,– ասվում է հաղորդման մեջ։
Ի պատասխան ԵՊԲՀ Խորհուրդը որոշում է կայացրել տեղադրել պարսիկ միջնադարյան գիտնական, փիլիսոփա և բժիշկ Ավիցեննայի (Աբու Ալի իբն Սինա) Երևանում կառուցվող «Բժիշկների այգում»։
Загружается новость ... "Лево"
Նաև նշվում է, որ նոր ուստարում երկու բուհերը ծրագրում են փոխադարձ այցեր, փորձի փոխանակման ծրագրեր, որոնք նոր հեռանկարներ կբացեն երկու համալսարանների ուսանողների և կլինիկական օրդինատորների համար։
Մխիթար Հերացին 12-րդ դարում ապրած հայ մեծանուն գիտնական, բժիշկ, բնագետ և փիլիսոփա է, հայկական դասական բժշկության հիմնադիրը, արժեքավոր Ջերմանց Մխիթարություն աշխատության, վիրաբուժության, դիետայի և հոգեթերապիայի աշխատությունների հեղինակը։ -0-