ԵՐԵՎԱՆ, 19 մարտի. /Նովոստի–Արմենիա/. Իտալիայի Լացիո վարչական շրջանի մարզային 136–րդ խորհուրդը նախօրեին միաձայն հավանություն է տվել խորհրդական Սերջիո Պիրոցիի առաջարկին, որում ճանաչվում է հայոց ցեղասպանության պատմական հիմնավորումը, գրում է
comunitaarmena.it–ը։
Փաստաթղթում համերաշխություն է արտահայտվում հայ ժողովրդի նկատմամբ պատմական ճշմարտության և մարդու իրավունքների պաշտպանության նկատմամբ։
Պիրոցիի նամակում ասվում է, մասնավորապես. «Այս շարժումն իրենից ներկայացնում է ճշմարտության և համերաշխության անկեղծ ակտ այն մարդկանց նկատմամբ, ովքեր դարձել են արտաքսման և դաժան սպանությունների զոհ»։ Առաջարկի հեղինակը հույս է հայտնում, որ այդ ակտը «նախազգուշացում է երիտասարդությանը և ապագա սերունդներին»։
Հռոմի հայկական համայնքի խորհուրդն իր հերթին շնորհակալություն է հայտնել Լացիոյի խորհրդի բոլոր անդամներին` պատմական ճշմարտության նկատմամբ անտարբեր չմնալու համար, և ընդգրկել է Լացիոն Մեծ Եղեռնի հիշատակի «Արդարների» ցանկում։
Загружается новость ... "Лево"
«Հռոմի հայկական համայնքի խնդրանքով իմ առաջարկի հավանության շնորհիվ Հայոց ցեղասպանության չճանաչման բացը Լացիոյում լրացվել է։ Հայ ժողովրդի դրաման արդեն ճանաչել է ինչպես ՄԱԿ–ը, Եվրախորհրդարանը, այնպես էլ իտալական մարզային խորհուրդը։ Ես շնորհակալ եմ գործընկերներիս, ովքեր միաձայն հավանության են արժանացրել միջնորդությունը, երախտապարտ եմ երկարատև ժամանակ մոռացության մատնված թեմային արձագանքելու համար», – ասել է առաջարկի հեղինակ Պիրոցին։
Հայոց ցեղասպանությունը ХХ դարի առաջին ցեղասպանությունն է։ Թուրքիան ավանդաբար մերժում է Առաջին համաշխարհային պատերազմի տարիներին շուրջ մեկուկես միլիոն հայերի զանգվածային ջարդեր իրականացնելու մեղադրանքները և չափազանց ցավագին է վերաբերվում Արևմուտքի քննադատություններին։
Հայոց ցեղասպանության փաստը ճանաչել են բազմաթիվ երկրներ, մասնավորապես` Ուրուգվայը, Լիտվան, Ռուսաստանը, Ֆրանսիան, Իտալիայի խորհրդարանի ստորին պալատը, Չեխիայի խորհրդարանը, Հոլանդիան, Սլովակիան, Շվեդիան, Շվեյցարիան, ԱՄՆ 42 նահանգներ, ինչպես նաև Հունաստանի, Կիպրոսի, Արգենտինայի, Բելգիայի, Ուելսի, Լյուքսեմբուրգի խորհրդարանները, Կանադայի խորհրդարանի համայնքների պալատը և Լեհաստանի սեյմը, Պարագվայի Սենատը,Վատիկանը, Եվրախորհդարանը, Եկեղեցիների համաշխարհային խորհուրդը, Գերմանիայի Բունդեսթագը և այլ երկրների խորհրդարաններ: -0-
