Իրանը նոր գլխավոր հյուպատոս է նշանակել Կապանում․ Իրանի ԱԳ նախարարը նշել է Հայաստանի հետ համագործակցության առաջնահերթությունները
ԵՐԵՎԱՆ, 10 սեպտեմբերի․/Նովոստի–Արմենիա/․ Իրանի արտաքին գործերի նախարար Աբբաս Արաղչին Կապանում ԻԻՀ նոր գլխավոր հյուպատոս Դավուդ Յայջիի հետ քննարկել է Հայաստանի հետ հարաբերությունների հետագա զարգացումը, այդ թվում՝ տնտեսական և հյուպատոսական ոլորտներում:
Յայջին Իրանի ԱԳՆ ղեկավարի հետ հանդիպել է ծառայության վայր մեկնելուց առաջ և ներկայացրել նոր պաշտոնում իր գործունեության ծրագիրը, նշվում է Արաղչիի Տելեգրամյան ալիքում։
Արաղչին նոր գլխավոր հյուպատոսին մաղթել է հաջողություններ և ընդգծել փոխադարձ հետաքրքրություն ներկայացնող բոլոր ոլորտներում, հատկապես տնտեսական և հյուպատոսական բնագավառներում երկկողմ կապերի հետագա խորացման անհրաժեշտությունը:
Իրանի ԱԳՆ ղեկավարը նաև կարևորել է Հայաստանի հետ հարաբերությունները բարիդրացիության քաղաքականության շրջանակում:
Կապանում Իրանի գլխավոր հյուպատոսությունը հիմնադրվել է մոտ 4 տարի առաջ: 2022 թվականի հոկտեմբերին կայացած բացման պաշտոնական արարողությանը ներկա են եղել Հայաստանի և Իրանի ԱԳ նախարարներ Արարատ Միրզոյանը և Հոսեյն Ամիր Աբդոլլահիանը: Կապանում Իրանի առաջին գլխավոր հյուպատոսն էր Մորթեզա Աբեդին Վարամինը:
