ՀՀ–ում ՌԴ դեսպանը հարգանքի տուրք է մատուցել Հայոց ցեղասպանության զոհերի հիշատակին
24.04.2026,
12:55
1995 թ․–ին Պետդուման ընդունել է «1915-1922 թվականներին հայ ժողովրդի ցեղասպանությունը դատապարտելու մասին» հայտարարություն՝ խորին կարեկցանք հայտնելով եղբայրական հայ ժողովրդին
ԵՐԵՎԱՆ, 24 ապրիլի․/Նովոստի–Արմենիա/․ Հայաստանում Ռուսաստանի դեսպան Սերգեյ Կոպիրկինը և դեսպանությանը կից պաշտպանության հարցերով կցորդ Ալեքսանդր Գորյայնովը մասնակցել են Օսմանյան կայսրությունում Հայոց ցեղասպանության զոհերի հիշատակի արարողությանը՝ ծաղիկներ խոնարհելով Ծիծեռնակաբերդի անմար կրակի մոտ։
Այս մասին հայտնում է Հայաստանում Ռուսաստանի դեսպանությունը։
Հայտարարության մեջ նշվում է, որ 1995 թվականին Ռուսաստանի Դաշնության Դաշնային ժողովի Պետական դուման ընդունել է «1915-1922 թվականներին հայ ժողովրդի ցեղասպանությունը դատապարտելու մասին» հայտարարություն՝ խորին կարեկցանք հայտնելով եղբայրական հայ ժողովրդին։
Պատճենել հղումը
