Հայաստանում չկա միանձնյա իշխանություն, Հայաստանում կա ժողովրդի իշխանություն․ Նիկոլ Փաշինյան (ՎԻԴԵՈ)
ԵՐԵՎԱՆ, 4 դեկտեմբեր․/Նովոստի-Արմենիա/. Հայաստանում չկա միանձնյա իշխանություն, Հայաստանում կա ժողովրդի իշխանություն, և ժողովուրդն իր իշխանությունը ձևավորում է ազատ ընտրությունների միջոցով, հայտարարել է ՀՀ վարչապետ Նիկոլ Փաշինյանն այսօր լրագրողների հետ ունեցած ճեպազրույցի ժամանակ։
«Ինչ վերաբերում է կառավարման համակարգի հետագա բարելավումներին, դուք տեղյակ եք, որ մենք պլանավորում ենք նոր Սահմանադրություն առաջարկել ՀՀ ժողովրդին, և ժողովուրդը հնարավորություն կունենա որոշում կայացնել», -ասաց վարչապետը։
Նա նշեց, որ ինքն արդեն առիթ ունեցել է ասելու, որ նոր Սահմանադրությունն ընդունելիս շատ կարևոր է հաշվի առնել և ուշադրության կենտրոնում ունենալ պետության զարգացման և հարատևության օրակարգը։
Փաշինյանի խոսքով՝ ցանկացած Սահմանադրություն պետք է պետության զարգացման համար պատշաճ աերոդինամիկա ապահովի, և դա պետք է տեղի ունենա Հայաստանում։
