Երկուշաբթի` մայիսի 23–ի առավել ուշագրավ նորությունները
24.05.2016,
08:00
«Նովոստի–Արմենիա» գործակալությունը ներկայացնում է երկուշաբթի` մայիսի 23–ի առավել ուշագրավ նորությունների իր տարբերակը։
ԵՐԵՎԱՆ, 24 մայիսի. /Նովոստի–Արմենիա/. «Նովոստի–Արմենիա» գործակալությունը ներկայացնում է երկուշաբթի` մայիսի 23–ի առավել ուշագրավ նորությունների իր տարբերակը։
- Այս գիշեր Գյումրի քաղաքում ողբերգական ավտովթար է տեղի ունեցել։ Մայիսի 23-ին, ժամը 01.13-ին ահազանգ է ստացվել այն մասին, որ Շիրակի մարզի Գյումրի քաղաքի Երևանյան խճուղում «Ֆորդ տրանզիտ» մարդատար միկրոավտոբուսը դուրս է եկել ճանապարհի երթևեկելի մասից և հարվածել սյանը:
- Հայաստանի հավաքականի կիսապաշտպան Հենրիխ Մխիթարյանը ճանաչվել է Գերմանիայի գավաթի լավագույն ռմբարկու։
- Երկու հայեր նվաճել են Էվերեստի բարձունքը, նշվում է Ալպինիզմի և լեռնային տուրիզմի հայկական ֆեդերացիայի Facebook–յան պաշտոնական էջում: Առաջինն Իռենա Խարազովան է, իսկ երկրորդը` Ֆրանսիայի քաղաքացի Արա Խաչադուրյանը։
- Լոնդոնի «Արսենալն» ու «Չելսին» ստիպված կլինեն սպասել մինչև հաջորդ ամառ` Հայաստանի հավաքականի և Դորտմունդի «Բորուսիայի» 27–ամյա կիսապաշտպան Հենրիխ Մխիթարյանի հետ պայմանագիր կնքելու համար։ Հաջորդ ամառ Մխիթարյանը կստանա «ազատ խաղացողի» կարգավիճակ։
- Հայաստանի Պետական եկամուտների կոմիտեում կաշառքի դիմաց աշխատանքի տեղավորվելու հնարավորությունը բացառվում է, երկուշաբթի լրագրողներին ասաց Կոմիտեի նախագահի առաջին տեղակալ Արմեն Ալավերդյանը։ -0-
Պատճենել հղումը
