Երևանի կենտրոնում երթևեկությունը ժամանակավորապես կսահմանափակվի. ՆԳՆ

ԵՐԵՎԱՆ, 30 հոկտեմբերի․ /Նովոստի–Արմենիա/․ COP17-ի ամփոփիչ միջոցառումների շրջանակում հոկտեմբերի 31-ին՝ ժամը 16։00-ից 21․30-ը, երթևեկությունը ժամանակավորապես կսահմանափակվի, հայտնում են ՆԳՆ ոստիկանությունից։

Սահմանափակումները կկիրառվեն հետևյալ ճանապարհահատվածներում՝

- Մոսկովյան փողոցից դեպի Թամանյան փողոց,
- Մեսրոպ Մաշտոցի պողոտայից դեպի Իսահակյան փողոց։

ՆԳՆ ոստիկանությունը հորդորում է նախապես պլանավորել երթուղիները, օգտվել այլընտրանքային ճանապարհներից և տեղում հետևել պարեկային ծառայողների ցուցումներին։