Բարձր տեխնոլոգիական արդյունաբերության նախարարությունը նոր նախարար ունի

ԵՐԵՎԱՆ, 3 օգոստոսի․/Նովոստի–Արմենիա/․ ՀՀ նախագահ Վահագն Խաչատուրյանի հրամանագրով՝ Դավիթ Թադևոսյանը նշանակվել է բարձր տեխնոլոգիական արդյունաբերության նախարար:

Նշենք, որ նախկինում ԲՏԱ նախարարի պաշտոնը զբաղեցնում էր Մխիթար Հայրապետյանը։

Մինչ նախարար նշանակվելը Դավիթ Թադևոսյանը ղեկավարում էր «Միջազգային ռադիոցանց» ՓԲԸ-ն՝ Բարձր տեխնոլոգիական արդյունաբերության նախարարության ենթակայության տակ գտնվող պետական ընկերությունը: Ձեռնարկությունն ապահովում է ռադիոհեռարձակման և կապի ծառայություններ, ինչպես նաև պետական հեռահաղորդակցման ենթակառուցվածքի շահագործումը:

Հայաստանի նոր կառավարությունը ձևավորվել է 2026 թվականի հունիսի 7-ին կայացած խորհրդարանական ընտրություններից և օգոստոսի 2-ին 9–րդ գումարման Ազգային ժողովի աշխատանքի մեկնարկից հետո:

Օրենսդրությանը համապատասխան՝ նախորդ կառավարությունը նախօրեին հրաժարական էր ներկայացրել, որից հետո խորհրդարանական մեծամասնությունը՝ «Քաղաքացիական պայմանագիր» կուսակցության խմբակցությունը, Նիկոլ Փաշինյանին վերստին առաջադրել էր վարչապետի պաշտոնում: Օգոստոսի 2-ին նախագահը նրան նշանակել է կառավարության ղեկավար, որից հետո սկսվել է նոր կաբինետի ձևավորումը:

Կարդացեք նաև․ Մի շարք նախարարներ վերանշանակվել են իրենց պաշտոններում