Աշոտ Աղաբաբյանից ևս 9 մլն դրամ են պահանջել

ԵՐԵՎԱՆ, 9 փետրվարի. /Նովոստի–Արմենիա/. Երևանի քաղաքապետարանը սնանկ ճանաչված «Հրազդան կենտրոնական մարզադաշտի» սնանկացման կառավարչից պահանջել է 8 մլն 817 հազար 126 դրամ ուշացած պարտքը, գրում է «Ժամանակ» թերթը։

Հիշեցնենք, որ «Հրազդան կենտրոնական մարզադաշտը» սնանկ էր ճանաչվել Կենտրոն և Նորք-Մարաշ վարչական շրջանների ընդհանուր իրավասության դատարանի՝ անցյալ տարվա հունիսի 26-ի վճռով։

Պարբերականը նշում է, որ սնանկ ճանաչված «Հրազդան» մարզադաշտի ընդհանուր պարտքը կազմում է մոտ 4 մլն ԱՄՆ դոլար։

Աշոտ Աղաբաբյանը հերքում է սնանկ ճանաչվելու դիմում ներկայացրելու վերաբերյալ լուրերը>>

«Սեփականատիրոջ՝ Աժ պատգամավոր Աշոտ Աղաբաբյանի խոսքով, սակայն, մարզադաշտն արժե 50 մլն դոլար»,– գրում է թերթը։ -0-