«ԱՌԿԱ» գործակալության 30–ամյակը, հազվադեպ կադրեր Խոսրովի անտառից և հեծանվային մեծ տոն Հայաստանում․ շաբաթվա լավ լուրերը
ԵՐԵՎԱՆ, 2 մայիսի․/Նովոստի–Արմենիա/․ Ներկայացնում ենք նախորդ շաբաթվա (ապրիլի 27–ից մայիսի 1) լավ լուրերի ընտրանին։
Այսպես․
Արագածոտնում տեղի է ունեցել Մալխաս և Ռոման Ամոյանների անվան մարզադպրոցի հիմնարկեքի արարողությունը։
SCAT ավիաընկերությունը Ակտաու-Երևան-Ակտաու նոր չվերթ է գործարկել։
Հայաստանն ու Վրաստանը համատեղ կհյուրընկալեն Ֆուտբոլի աշխարհի 2029 թվականի երիտասարդական առաջնությունը։
Պարի միջազգային օրվա առթիվ հայկական պարարվեստի փիլիսոփայության և ավանդույթի պահպանման մասին «Նովոստի-Արմենիա»-ն զրուցել է «Վարը Վարենկ» նախաձեռնության պարուսույց, «Ակօս» ավանդական պարի խմբի ղեկավար Գուրգեն Մելքոնյանի հետ։
Բեզոարյան այծերի մենամարտը․ Խոսրովի անտառը հետաքրքիր կադրեր է հրապարակել։
2026 թվականի մայիսի 1-ին «ԱՌԿԱ» գործակալությունը դարձավ 30 տարեկան։ 30 տարին մեդիայի համար մեծ պատմություն է։
