Ամառը նոր է սկսվում․ հունիսի 20-ին սպասվում են տարվա ամենաբարձր ջերմաստիճանները
19.06.2026,
10:27
Վաղը Երևանում և Արարատյան դաշտում սպասվում են տարվա ամենաբարձր ջերմաստիճանները
ԵՐԵՎԱՆ, 19 հունիսի․/Նովոստի-Արմենիա/․ Աստղագիտական ամռան նախօրեին՝ հունիսի 20-ին սպասվում են տարվա ամենաբարձր ջերմաստիճանները, հայտնել է ՇՄՆ «Հիդրոօդերևութաբանության և մոնիթորինգի կենտրոն» ՊՈԱԿ-ի տնօրեն Լևոն Ազիզյանը։
«Հունիսի 20-ին Արարատյան դաշտում և Երևանում կգրանցվեն մինչ այդ 2026 թվականի ընթացքում դիտված առավելագույն ջերմաստիճանները։
Օդի ջերմաստիճանը ցերեկային ժամերին կհասնի +35․․․+37°C-ի», - գրել է Ազիզյանը Facebook-յան իր էջում։
Նա նշել է, որ շոգ եղանակը պայմանավորված կլինի հարավ-արևմուտքից տաք օդային զանգվածների ներթափանցմամբ։
Պատճենել հղումը
