ԵՐԵՎԱՆ, 4 հունվարի./Նովոստի-Արմենիա/. Թուրքական Pegasus ընկերությունը դիմել է Հայաստանի քաղաքացիական ավիացիայի կոմիտեին` Երևան-Ստամբուլ չվերթ իրականացնելու հայտով, հաղորդում է
aysor.am-ը՝ հղում անելով ՀՀ տարածքային կառավարման և ենթակառուցվածքների նախարարի մամուլի քարտուղար Սոնա Հարությունյանին:
Загружается новость ... "Лево"
Հրությունյանը նշել է, որ Pegasus ընկերությունը դիմել է փետրվարից սկսած շաբաթական երկու չվերթ իրականացնելու հայտով:
«Հայտը ներկայումս ուսումնասիրվում է Քաղաքացիական ավիացիայի կոմիտեի կողմից և ողջամիտ ժամկետներում կհրապարակվի որոշումը» , - ասել է Սոնա Հարությունյանը։
Ավելի վաղ
հաղորդել էինք, որ Հայաստանի Հանրապետության ավիացիոն իշխանությունները թույլատրել են Flyone Armenia ընկերությանը իրականացնել չարտերային չվերթեր Երևան-Ստամբուլ-Երևան երթուղով:
Թուրքիայի ԱԳ նախարար Մևլյութ Չավուշօղլուն դեկտեմբերի 13-ին հայտարարել է, որ Թուրքիան և Հայաստանը հատուկ ներկայացուցիչներ կնշանակեն հարաբերությունները կարգավորելու համար և մտադիր են չարտերային չվերթեր գործարկել դեպի Երևան:-0-
