Սերժ Սարգսյանի եղբոր ընտանիքին բռնագանձման է ենթակա շուրջ 10մլն դոլար. դատախազո,ւթյունը մանրամասնում է

ԵՐԵՎԱՆ, 2 փետրվարի./Նովոստի-Արմենիա/. ՀՀ երրորդ նախագահ Սերժ Սարգսյանի եղբոր` Լյովա Սարգսյանին, նրա որդուն` Նարեկ Սարգսյանին և դստեր գույք ու դրամանական միջոցները, ըստ դատախազության, ունեն ապօրինի ծագում և ենթակա են բռնագանձման:

Ինչպես հայտնում են դատախազությունից, բռնագանձման է ենթակա Լյովա Սարգսյանից և նրա ընտանիքի անդամներից 9մլն 400 հազար ԱՄՆ դոլարին համարժեք դրամ, որից միայն առևտրային բանկում առկա ավանդի գումարը կազմում է 6 միլիոն 800 հազար ԱՄՆ դոլար, ինչպես նաև օրինական եկամուտներով չեն հիմնավորվել 9 անշարժ գույքի ձեռքբերում, 2 շարժական գույքերի ձեռքբերում, ինչպես նաև մասնակցություններ 3 կազմակերպություններում:

Լյովա Սարգսյանի մասով դատախազությունը ապօրինի է դիտարկել 1 անշարժ գույք, ավտոմեքենա, նաև առևտրային բանկում առկա ավանդի գումարը և 3մլն 500 հազար դոլար։

Նարեկ Սասրգսյանի վարույթի շրջանակներում ապօրինի է դիտարկվել կրկին առևտրային բանկում առկա 2մլն 470 ԱՄՆ դոլարի ավանդի գումարը, իսկ Անի Սարգսյանի ուսումնասիրության շրջանակներում ապօրինի է դիտարկվել 760 հազար դոլարի ավանդի գումարը։

Նարեկ Սարգսյանից հօգուտ պետության բռնագանձման պահանջ է ներկայացվել ևս 8 անշարժ գույքի, 1 տրանսպորտային միջոցի և 2 ընկերություններում բաժնետոմսերի վերաբերյալ, մասնավորապես` 3 անշարժ գույքի Արմավիր, Զարթոնք, Մյասնիկյան և Մերձավան համայնքներում, 1 անշարժ գույք ու 2 հողամաս Երևանում և 1 հողամաս Դիլիջանում։

Գլխավոր դատախազության պաշտոնյայի խոսքով, երեք վարույթների արդյունքում անշարժ և շարժական գույքերի, ինչպես նաև 1 ընկերության շուկայական արժեքը կազմում է 1մլրդ 260մլն դրամ։

Երեք հայցերն էլ հակակոռուպցիոն դատարանում են` նախնական լսումների փուլում։ Սարգսյանների ներկայացուցիչ Վահագն Գրիգորյանը նշել է, որ ամբողջությամբ առարկում են հայցի դեմ։-0-