ՀՀ–ում վարկային միջնորդները կտուգանվեն գովազդի համար

ԵՐԵՎԱՆ, 3 հունիսի./Նովոստի–Արմենիա/. ՀՀ ԱԺ–ն երկուշաբթի երկրորդ և վերջնական ընթերցմամբ ընդունել է «Վարչական իրավախախտումների մասին» օրենսգրքում փոփոխություններ կատարելու մասին օրինագիծը, որոնք նախատեսում են վարչական տուգանք առանց ԿԲ արտոնագրի վարկային միջնորդների գովազդի համար, հաղորդում է armbanks.am–ը։

Օրինագծին կողմ է քվեարկել 111 պատգամավոր, ձեռնպահ և դեմ քվեարկած պատգամավորներ չեն եղել։

Օրինագծի հեղինակ, «Լուսավոր Հայաստան» խմբակցության պատգամավոր Մանե Թանդիլյանի խոսքով, խնդիրը բավականին ակտուալ է երկրի համար, քանի որ բազմաթիվ քաղաքացիներ և ընկերություններ, հանդես գալով որպես միջնորդ, գանձում են լրացուցիչ վճար բանկ և վարկային կազմակերպություն ուղորդելու համար։

«Բազմաթիվ երկրներում իշխանությունները դիմում են սոցիալական ցանցերին` խնդրելով արգելափակել նման անօրինական գովազդը», – նշել է Թանդիլյանը։

Նրա խոսքով, խնդիրը լուծելու համար բավարար չէ միայն օրենքի ընդունում, հարկավոր է ներգրավել ֆինանսական կազմակերպություններին և հասարակությանը, իսկ արդեն օրենքի ընդունումից հետո պետք է հասնել դրա կատարմանը։–0–