ՀՀ ՊՆ մի շարք սպաներ հետմահու արժանացել են բարձր պարգևների մարտական գործողությունների ընթացքում ցուցաբերած արիության և նվիրումի համար

ԵՐԵՎԱՆ, 21 հոկտեմբերի./Նովոստի–Արմենիա/. ՀՀ նախագահ Արմեն Սարգսյանի հրամանագրով, ՀՀ ՊՆ մի շարք զինծառայողներ պարգևատրվել են «Մարտական խաչ» 1-ին և 2–րդ աստիճանի շքանշանով, հաղորդվում է ՀՀ նախագահի կայքում։

Այսպես, «Մարտական խաչ» 1-ին աստիճանի շքանշանով պարգևատրվել են թիվ N զորամասի հրամանատար, գնդապետ Վյաչեսլավ Վալերևիչ Ոսկովսկին (հետմահու), թիվ N զորամասի հրամանատարի տեղակալ, փոխգնդապետ Վահագն Արամի Թումասյանը (հետմահու)։

«Մարտական խաչ» 2-րդ աստիճանի շքանշանով պարգևատրվել են թիվ N զորամասի հրամանատարի տեղակալ, փոխգնդապետ Տիգրան Արծվիի Աշոտյանը, թիվ N զորամասի սպա, կապիտան Զոհրաբ Հրաչիկի Քոչարյանը (հետմահու), թիվ N զորամասի սպա, ավագ լեյտենանտ Ցոլակ Սամվելի Խաչատրյանը (հետմահու):–0–