Երեքշաբթի` հոկտեմբերի 15–ի առավել ուշագրավ նորությունները
08:00
16 Հոկտեմբերի 2019
ԵՐԵՎԱՆ, 16 հոկտեմբերի./Նովոստի–Արմենիա/. «Նովոստի–Արմենիա» գործակալությունը ներկայացնում է երեքշաբթի` հոկտեմբերի 15–ի առավել ուշագրավ նորությունների սեփական տարբերակը։
Analitik.am կայքը նախօրեին գրել է, որ մի քանի օր առաջ Պետական վերահսկողական ծառայության պետ Դավիթ Սանասարյանը երեխայի է վրաերթի ենթարկել։ ՃՏՊ–ն ոստիկանությունում չի գրանցվել։ Կայքի Youtube ալիքում հայտնվել է մոր և երեխայի մասնակցությամբ հարցազրույց, որոնք պատմում են կատարվածի մասին։ Սանասարյանն իր հերթին հերքում է տարածված տեղեկությունը` նշելով, որ դա «հերթական սուտ է», և երեխան, քարի վրայից թռնելով, դիպել է մեքենային և վայր ընկել։ Հայաստանի ոստիկանությունն իր հերթին պարզաբանում է ներկայացրել Պետական վերահսկողական ծառայության պետ Դավիթ Սանասարյանի (մասնակցությամբ գրանցված վրաերթի կապակցությամբ։ Վրաերթի մասին ԶԼՄ-ներում և համացանցում տարածված տեղեկությունների վերաբերյալ ոստկանությունից իհայտնում են, որ ներկայացվածի մասին ոստիկանությունում սեպտեմբերի 12-ին «Արմենիա» բժշկական կենտրոնից կամ որևէ քաղաքացուց հաղորդում կամ ահազանգ չի ստացվել։ Այնուհանդերձ, հրապարակումների հիման վրա ոստիկանության Արաբկիրի բաժնում նախապատրաստվում են նյութեր և ձեռնարկվում են համապատասխան միջոցառումներ՝ տեղի ունեցածի բոլոր հանգամանքները պարզելու ուղղությամբ։
Հայաստանի Քննչական կոմիտեի Արարատի մարզային քննչական վարչությունում հարուցվել է քրեական գործ՝ Արտաշատի թիվ 5 դպրոցում աշակերտների սննդային թունավորման դեպքի առթիվ: Այսօր, ժամը 11:39 Առողջապահության նախարարության Հիվանդությունների վերահսկման եվ կանխարգելման ազգային կենտրոնից ստացված ահազանգի հիման վրա, Արտաշատի բժշկական կենտրոն են գնացել Սննդամթերքի անվտանգության տեսչական մարմնի Արարատի մարզային կենտրոնի մասնագետները: Պարզվել է, որ սննդային թունավորման ախտանիշներով հիվանդանոց են տեղափոխվել Արտաշատի թիվ 5 դպրոցի 3 աշակերտ, որոնց թիվը, ժամը 15:00-ի դրությամբ հասել է 23-ի: Փաստի առթիվ Արարատի մարզային քննչական վարչությունում հարուցվել է քրեական գործ: Նախնական տվյալներով՝ երեխաները սննդային թունավորում ստացել են դպրոցի բուֆետում վաճառվող սննդից: Ինչպես հայտնում է քննչական կոմիտեի մամուլի քարտուղար Նաիրա Հարությունյանը, նախաքննության ընթացքում ձեռնարկված քննչական գործողությունների արդյունքում պարզվել է դպրոցի բուֆետին սննդամթերք մատակարարած կազմակերպությունը, որտեղ կատարվել է զննություն, վերցվել են նմուշներ: Նմուշառումներ են կատարվել նաև դպրոցի բուֆետից և այսօր առաքված սննդամթերքից: Դեպքի վայրում և հիվանդանոցում աշխատում են Արարատի մարզային քննչական վարչության քննիչները: Պարզվում է տուժածների ամբողջական շրջանակը:
Հայաստանի վարչապետ Նիկոլ Փաշինյանը հրավիրում է բոլորին միասին տոնել Վանաձորի օրը, որը կնշվի հոկտեմբերի 26-ին: «Այն էֆեկտը, որ ստացել ենք Գյումրիում, ստանալու ենք նաև Վանաձորում: Հոկտեմբերի 26-ը Վանաձորի օրն է: Բոլորով գնում ենք դբա լավը», - գրել է վարչապետը` հավելելով, որ այս էֆեկտը հերթով ստանալու ենք բոլոր քաղաքներում: Վանաձորում այդ օրն առաջին անգամ կմիացվեն ձայնային էֆեկտով աննախադեպ երգող շատրվանները: Ավելի վաղ նմանատիպ նախագիծ իրականացվել է Գյումրիում:
ՀՀ վարչապետ Նիկոլ Փաշինյանը Երևանում հանդիպել է Արցախի նախագահ Բակո Սահակյանի հետ։
Փաշինյանը ԵԱՀԿ ՄԽ համանախագահների հետ քննարկել է ժողովուրդներին խաղաղության նախապատրաստման անհրաժեշտությունը։–0–
Ուշադրություն․ՍԱՏՄ–ից հորդորում են ս չգնել նշված վտանգավոր մթերքը և, դրանցից որևէ մեկը որևէ խանութում նկատելու դեպքում, տեղեկացնել Տեսչական մարմնի թեժ գծի 118 անվճար հեռախոսահամարով