Ադրբեջանի ԶՈւ-ն կրակում է Սոթքի հատվածում տեղակայված հայկական դիրքերի ուղղությամբ, մեկ զինծառայող վիրավորվել է․ՊՆ

ԵՐԵՎԱՆ, 17 օգոստոսի․/Նովոստի-Արմենիա/․ Օգոստոսի 17-ին, ժամը 14։45-ից սկսած, Ադրբեջանի զինված ուժերը տարբեր տրամաչափի հրաձգային զինատեսակներից կրակ են բացել հայ-ադրբեջանական սահմանի Գեղարքունիքի, մասնավորապես` Սոթքի հատվածում տեղակայված հայկական դիրքերի ուղղությամբ, ինչի հետևանքով հրազենային վիրավորում է ստացել ՀՀ զինված ուժերի մեկ զինծառայող, հաղորդում է ՀՀ ՊՆ-ն:

Նրա կյանքին վտանգ չի սպառնում: Ժամը 16:30-ի դրությամբ կրակոցները շարունակվում էին:

"Հայկական կողմի իրականացրած հակազդող գործողությունների արդյունքում հակառակորդն ունի մեկ զոհ և մեկ վիրավոր", - նշվում է գերատեսչության հաղորդագրության մեջ:-0-