Ոչ թե գազի գինը կիջեցվի, այլ ռուսական ռուբլով կվճարվի

ԵՐԵՎԱՆ, 31 մարտի. /Նովոստի–Արմենիա/. «Հրապարակ» թերթի ռուսական աղբյուրները չեն բացառում, որ Հայաստանի համար գազի գնի իջեցման բոլորովին այլ տարբերակ կիրառվի՝ ոչ թե գինն իջեցվի, այլ ռուսական ռուբլով վճարվի, գրում է թերթը։

Ռուբլին կայունանում է, և վերահաշվարկների արդյունքում հայկական կողմը կշահի բոլոր առումներով։

ԶԼՄ–ները հայտնում են, թե որքանով է նվազելու գազի գինը սպառողների համար>>

«Ի դեպ, Դմիտրի Մեդվեդևի մեկ օր շուտ Հայաստան այցը ևս Սերժ Սարգսյան-Պուտին պայմանավորվածության արդյունքում է կայացել, վերջին հանդիպմանը Սարգսյանը Պուտինին ասել է՝ ձգձգվում է Դմիտրի Անատոլևիչի այցը, Պուտինն արձագանքել է՝ կգա, ու հենց հաջորդ օրը ռուսական կողմը՝ կառավարությունը, հաղորդագրություն տարածեց, որ Մեդվեդևն ապրիլի 7-ին կմեկնի Հայաստան», գրում է թերթը` հղում անելով սեփական աղբյուրին։

«Ի դեպ, հայկական կողմը փոքր-ինչ տարակուսանքով է վերաբերվում ռուբլով վճարման հնարավորությանը, սակայն, թերթի տեղեկություններով, այս տարբերակի ջատագովներից է նաև ԵՏՀ կոլեգիայի նախագահ, ՀՀ նախկին վարչապետ Տիգրան Սարգսյանը, ով, ըստ թերթի աղբյուրների, քանի որ ունի բանկային և դրամային քաղաքականության մեծ փորձ, ԵՏՄ ընդհանուր շուկա ձևավորելու համար փորձելու է կիրառել ընդհանուր վալյուտայի «իդեա–ֆիքսը»` սկսելով Հայաստանից», գրում են հոդվածի հեղինակները։–0–