Նախորդ շաբաթվա կարևոր նորությունների հնգյակը

10:00

13 Մայիսի 2017

ԵՐԵՎԱՆ, 13 մայիսի. /Նովոստի–Արմենիա/. «Նովոստի–Արմենիա» գործակալությունը ներկայացնում է նախորդ շաբաթվա (մայիսի 8–12) կարևոր նորությունների հնգյակը։

Կիևում կայացած «Եվրատեսիլ 2017»–ի առաջին կիսաեզրափակչի արդյունքում Հայաստանը ներկայացնող Արծվիկն անցավ եզրափակիչ։

Մայիսի 10–ին ժամը 18-ի սահմաններում արցախա-ադրբեջանական շփման գծի հյուսիսային հատվածում գնդակոծության է ենթարկվել «Շանթ» հեռուստաընկերության «Դիրքերում» հաղորդաշարի նկարահանող խումբը, վիրավորվել է հաղորդաշարի օպերատոր Դավիթ Աթոյանը։ Ավելի ուշ հայտնի դարձավ, որ Աթոյանին վիրահետել են, վիճակը նորմալ է։ Միաժամանակ այդ գնդակոծության տեսագրությունը հայտնվել է համացանցում։

ՀՀ նախագահի նստավայրում տեղի ունեցավ Հայաստանի հանրապետական կուսակցության (ՀՀԿ) և ՀՅ Դաշնակցության (ՀՅԴ) միջև կոալիցիոն հուշագրի ստորագրման արարողությունը: ՀՀԿ-ի կողմից հուշագիրը ստորագրել է ՀՀԿ փոխնախագահ Արմեն Աշոտյանը, իսկ ՀՅԴ-ի կողմից՝ կուսակցության ԳՄ ներկայացուցիչ Աղվան Վարդանյանը:

Արցախում զինվորական «Վիլիսն» ընկել է ջրամբարը, ինչի հետևանքով ժամկետային զինծառայողներ են մահացել։ Ջրահեղձ եղած երրորդ զինծառայողի դին հայտնաբերվեց օրեր անց։

Ռուսական ԶԼՄ–ները տարածել էին Ադրբեջանի գլխավոր դատախազության, պաշտպանության, ներքին գործերի նախարարությունների և Անվտանգության պետական ծառայության հայտարարություններն այն մասին, որ կալանավորվել են մի խումբ զինծառայողներ և քաղաքացիական անձինք, որոնք մեղադրվում են Հայաստանի հատուկ ծառայությունների հետ գաղտնի համագործակցության մեջ։ Հայտարարության մեջ նշվում է Բաքվի հասարակական վայրերում իբր նախատեսված դիվերսիոն և ահաբեկչական գործունեության կանխարգելման մասին։ Այս կապակցությամբ հայտարարություն է տարածել ՀՀ պաշտպանության նախարարության մամուլի քարտուղար Արծրուն Հովհաննիսյանը` նշելով, որ Ադրբեջանի ՊՆ-ն և այլ ուժային կառույցներ վերջին օրերին կեղծ հայտարարություններ են տարածում Ադրբեջանում հայկական հետախուզական ցանցի բացահայտման և նրանց կողմից ահաբեկչական գործողություններ ծրագրելու մասին։ –0–

Ծանոթացեք լուրերին առաջինն ու քննարկեք դրանք մեր Telegram-յան ալիքում

#Հայաստանի նորություններ #նախորդ շաբաթ #կարևոր

Новости СМИ2

Partners News

Թեմատիկ նյութեր