Նախորդ շաբաթվա կարևոր նորությունների հնգյակը
22.10.2016,
10:00
«Նովոստի–Արմենիա» գործակալությունը ներկայացնում է նախորդ շաբաթվա կարևոր նորությունների հնգյակը։
ԵՐԵՎԱՆ, 22 հոկտեմբերի. /Նովոստի–Արմենիա/. «Նովոստի–Արմենիա» գործակալությունը ներկայացնում է նախորդ շաբաթվա կարևոր նորությունների հնգյակը։
- ՀՀ ԱԺ–ն արտահերթ նիստի ժամանակ հավանություն տվեց կառավարության նոր ծրագրին: Ծրագրին կողմ է քվեարկել 85 պատգամավոր, դեմ` 7, իսկ 6-ը ձեռնպահ են մնացել։
- Մի քանի օր առաջ Վանաձորի ծննդատանը ծննդկան է մահացել: Նախնական տեղեկություններով՝ հոկտեմբերի 17-ին ժամը 18:40-ի սահմաններում Վանաձորի բժշկական կենտրոնի մանկաբարձագինեկոլոգիական բաժանմունքում ծննդաբերած Վանաձորի 32-ամյա բնակչուհի Հռիփսիմե Նազլուխանյանը ժամեր անց մահացել է: Ավելի ուշ հայտնի դարձավ, որ մահացած ծննդկանի նորածինը լիովին առողջ է։ Միաժամանակ ՀՀ քննչական կոմիտեն հաղորդեց, որ քրեական գործ է հարուցվել 32–ամյա ծննդկանի մահվան փաստով։
- Հոկտեմբերի 17–ից Հայաստանի տարածքը հայտնվեց տեղումնաբեր ցիկլոնի ազդեցության ներքո։ Հանրապետության մի շարք շրջաններում տեղաց տարվա առաջին ձյունը։ ,Ձյան ծածկի առավելագույն բարձրությունը Գավառում հասնում էր 20 սմ–ի, Հրազդան, Ֆանտան, Ծաղկաձոր հատվածներում` 15-18 սմ–ի:
- Նախորդ շաբաթ հայտնի դարձավ Հայաստանի ֆուտբոլի ազգային հավաքականի նոր գլխավոր մարզչի անունը։ Միաժամանակ, Հայաստանը ՖԻՖԱ-ի դասակարգման աղյուսակում իր վատագույն արդյունքն է գրանցել վերջին 22 տարվա ընթացքում։
- Ղարաբաղի զինված ուժերը հոկտեմբերի 20–ի երեկոյան կանխել են Ադրբեջանի ԶՈՒ դիվերսիոն ներթափանցման փորձերը։–0–
Պատճենել հղումը
