Նախորդ շաբաթվա կարևոր նորությունների հնգյակը

ԵՐԵՎԱՆ, 24 մարտի. /Նովոստի–Արմենիա/. «Նովոստի–Արմենիա» գործակալությունը ներկայացնում է նախորդ շաբաթվա կարևոր նորությունների հնգյակը։

• Մարտի 20–ին ժամը  09:20-ի սահմաններում Երևան-Մոսկվա երթուղին իրականացնող «Mercedes» մակնիշի 308 AF 61 պետհամարանիշով ավտոբուսը ՌԴ Մ-4 «Դոն» միջպետական ավտոճանապարհի 673-րդ կիլոմետրին՝ Վորոնեժի մարզի Պավլովսկ քաղաքի մոտակայքում, բախվել է բեռնատարի, ինչի հետևանքով կա երկու զոհ։ Միաժամանակ, հայտնի դարձավ, որ ութ վիրավոր հոսպիտալացվել է։

• Հրայր Թովմասյանը պատգամավորների կողմից ընտրվեց ՀՀ Սահմանադրական դատարանի նոր նախագահ:

• Լատվիան առաջին ընթերցմամբ վավերացրեց Հայաստան–ԵՄ համաձայնագիրը։

• Երևանում «Վերածնունդ» երիտասարդական ավան կկառուցվի։ Արդեն հրապարակվել է էսքիզային նախագիծը։

• Երևանում ահասարսուռ դեպք էր գրանցվել։ Տարեց կինը հոսանքահարվել ու մահացել է 10 ամսական թոռանը լողացնելուց հետո, երեխայի կյանքը հաջողվել է փրկել։ Ավելի ուշ ՔԿ–ն ներկայացրեց միջադեպի մանրամասները։ Միաժամանակ հայտնի դարձան միջադեպի այլ հանգամանքներ, նշվում է, որ փոքրիկը փրկվել է, քանի որ հոսանքը ոտքերից է դուրս եկել։–0–