ԵՐԵՎԱՆ, 23 մարտի. /Նովոստի–Արմենիա/. Նախօրեին ողբերգական դեպք է տեղի ունեցել Երևանում:
Երևանի Բադալ Մուրադյան 7-րդ շենքի բնակարաններից մեկում կնոջ դի է հայտնաբերվել։
Ինչպես հայտնում է shamshyan.com–ը, ոստիկաններն ու քննիչները նշված տանը հայտնաբերել են տանտիրուհու՝ 65-ամյա Ֆ. Ղ.-ի դին, իսկ նրա 11-ամսական տղա թոռանը՝ Ա. Պ.-ին, ծայրահեղ ծանր ախտորոշմամբ տեղափոխել են Մուրացանի մանկական հիվանդանոց:
Загружается новость ...
"Право"
Աղբյուրի տեղեկացմամբ, տատիկի մահվան պատճառը եղել է էլեկտրական տաքացուցիչից հոսանքահարվելը։
Բժիշկները պայքարում են երեխայի կյանքի համար:
Ավելի ուշ հայտնի է դարձել, որ բժիշկներին հաջողվել է դրական ցուցանիշներ ապահովել երեխայի կյանքի համար, այժմ երեխայի վիճակը գնահատվում է կայուն ծանր։
Փաստի առթիվ քննչական բաժնում նյութեր են նախապատրաստվում: -0-
