ԵՐԵՎԱՆ, 24 փետրվարի. /Նովոստի–Արմենիա/. Հայաստանի կրթության և գիտության նախարար Արմեն Աշոտյանը, չորեքշաբթի խորհրդարանում հարցուպատասխանի ժամանակ պատասխանելով պատգամավորների հարցերին, հանդես եկավ «վերջին խոսքով»։
Ակնկալվում է, որ այս շաբաթ վերջնականապես կլուծվի կրթության նախարարի իրավահաջորդի, ինչպես նաև երկու այլ նախարարների հարցը։ Երեք նախարարների փոխուխությունը պայմանավորված է Հայաստանի հանրապետական կուսակցության և ՀՅԴ միջև գործակցության հուշագրի պայմաններով։ Ակնկալվում է, որ հուշագիրը կստորագրվի այսօր։
Տասը բան, որ պետք է անի Աշոտյանը հրաժարականից հետո>>
Աշոտյանը շնորհակալություն է հայտնել խորհրդարանականներին գործակցության համար և հույս հայտնել, որ պատգամավորները նույնպիսի ուշադրությամբ և վերահսկողությամբ կհետևեն ոլորտին և այլն, առավել ևս, որ շուտով կառավարությունը նրանց դիտարկմանը կներկայացնի կրթության ոլորտի երկու կարևոր փաստաթուղթ։
«Եթե ուզում ես ծիծաղեցնել Աստծուն, պատմիր Նրան քո ծրագրերը։ Կարծում եմ, որ ես դեռ այն տարիքում չեմ, որ վերջին խոսք ասեմ և չեմ ուզում ուրախացնել Աստծուն, բայց ուզում եմ շնորհակալություն հայտնել բոլոր խմբակցություններին և պատգամավորներին գործակցության, համատեղ աշխատանքի և քննադատության համար, ինչպես նաև լրագրողներին, որոնց հրապարակումներում տեղ է գտել իմ համեստ անձը»,– ասաց Աշոտյանը։ -0-
