ԵՐԵՎԱՆ, 22 մայիսի./Նովոստի–Արմենիա/. ՀՀ նախագահ Արմեն Սարգսյանը և տիկին Նունե Սարգսյանն այսօր Նկարիչների միությունում ներկա են գտնվել Հայաստանի Առաջին Հանրապետությամն 100-ամյանին նվիրված հոբելյանական ցուցահանդեսի բացմանը, հաղորդում է նախագահի մամուլի ծառայությունը։
Загружается новость ... "Лево"
Տեր և տիկին Սարգսյանները զրուցել են արվեստագետների հետ, շրջել ցուցասրահներում, ծանոթացել ներկայացված աշխատանքներին:
Հայաստանի Առաջին Հանրապետությունը ստեղծվել է 1918 թվականի մայիսի 28-ին՝ մայիսյան հերոսամարտերից՝ Սարդարապատից, Բաշ-Ապարանից և Ղարաքիլիսայից հետո։
Առաջին հանրապետությունը հիմնադրվեց հայ ժողովրդի համար ծանր ժամանակահատվածում, երբ երիտթուրքական բնաջնջման ծրագրից խուսափած բազմահազար հայ գաղթականներն ու սովը, տրանսպորտային ուղիների շրջափակումները, Քեմալական Թուրքիայի 1920 թվի հարձակումը, ինչպես նաև Խորհրդային Ռուսաստանի նվաճողական քաղաքականությունը հնարավորություն չէին ընձեռելու պետության ղեկավարներին ստեղծել կայուն պետություն։
Առաջին հանրապետությունը գոյատևեց մինչև 1920 թվականի դեկտեմբերի 2-ը, երբ Հայաստանը խորհրդայնացավ։ Չնայած կարճ կյանքին Առաջին Հանրապետության դերը անգնահատելի է պետականությունը վերագտնելու գործում։–0–