531.95
7.48
476.32
+9
Եղանակը Երևանում
Հայ

ՀՀ ԴԱՀԿ նախկին ղեկավար Միհրան Պողոսյանը ներգրավվել է որպես մեղադրյալ. հայտարարվել է հետախուզում

16:34
15 Ապրիլի 2019

ԵՐԵՎԱՆ, 15 ապրիլի. /Նովոստի-Արմենիա/. ՀՀ դատական ակտերի նախկին գլխավոր հարկադիր կատարող Միհրան Պողոսյանը քրեական գործով ներգրավվել է որպես մեղադրյալ, հայտնում է ՀՀ հատուկ քննչական ծառայությունը:

«ՀՀ հատուկ քննչական ծառայությունում քննվող քրեական գործի շրջանակներում ՀՀ դատական ակտերի նախկին գլխավոր հարկադիր կատարող Միհրան Պողոսյանը ՀՀ քրեական օրենսգրքի 179-րդ հոդվածի 3-րդ մասի 1-ին կետով (Յուրացնելը կամ վատնելը առանձնապես խոշոր չափերով) և 308-րդ հոդվածի 2-րդ մասով (Պաշտոնեական լիազորությունները չարաշահելը, որն անզգուշությամբ առաջացրել է ծանր հետևանքներ) ներգրավվել է որպես մեղադրյալ հանրորեն վտանգավոր այն արարքների կատարման համար, որ նա, օգտագործելով պաշտոնեական դիրքը, վատնման եղանակով առանձնապես խոշոր չափերով գույք է հափշտակել և չարաշահել իր պաշտոնեական լիազորությունները, ինչն առաջացրել է ծանր հետևանքներ», - նշվում է տարածած հաղորդագրությունում:

Ըստ մեղադրանքի` Միհրան Պողոսյանը, 2008թ. հունիսի 11-ից զբաղեցնելով ՀՀ դատական ակտերի գլխավոր հարկադիր կատարողի պաշտոնը, իր անձնական անվտանգությունն ապահովող անձին նշանակել է ՀՀ ԱՆ ԴԱՀԿ ծառայության կենտրոնական մարմնի հարկադիր կատարման օպերատիվ բաժնի առաջին կարգի խորհրդատուի, իսկ անձնական վարորդին` նույն բաժնի առաջատար խորհրդատուի պաշտոնին: Նրանք, որպես նշված բաժնի աշխատակիցներ, փաստացի աշխատանքի չեն հաճախել և համապատասխան պաշտոններից բխող պարտականություններ չեն իրականացրել, այլ կատարել են Միհրան Պողոսյանի անձնական բնույթի հանձնարարությունները, սակայն վերջինիս հանձնարարությամբ ստացել են աշխատավարձ և դրան հավասարեցված վճարումներ՝ ընդհանուր 44.199.463 ՀՀ դրամի չափով:

«Արդյունքում` Միհրան Պողոսյանը, պաշտոնեական դիրքն օգտագործելով, վատնման եղանակով պետական բյուջեի միջոցներից հափշտակել է իրեն վստահված առանձնապես խոշոր չափերով գումար` 44.199.463 ՀՀ դրամ», - հայտնում են ՀՀ հատուկ քննչական ծառայությունից:

Բացի այդ, Միհրան Պողոսյանը, իր պաշտոնեական դիրքը ծառայության շահերին հակառակ օգտագործելով, շահադիտական դրդումներով, օրենքով և կառավարության որոշումներով նախատեսված պահանջների խախտմամբ, ապրանքներ ձեռք բերելու և ծառայությունների մատուցման պայմանագրեր է կնքել վստահելի անձանց միջոցով իր կողմից կառավարվող, ձեռնարկատիրական գործունեություն իրականացնող կազմակերպությունների հետ:

«Այսպես, Միհրան Պողոսյանը 2011-2016թթ-ի ընթացքում իրեն վստահված պետական միջոցներով ԴԱՀԿ ծառայության կարիքների համար նախատեսված գնման գործընթացում իր կողմից 1997թ.-ին հիմնադրված, այնուհետև իբրև այլ կազմակերպությանը վաճառված, սակայն փաստացի իր կողմից կառավարվող` առևտրային գործունեություն իրականացնող «Քեթրին գրուպ» ՍՊ ընկերությունից ձեռք է բերել ընդհանուր 211.158.000 ՀՀ դրամ արժողությամբ 32 հատ «Բիդ» մակնիշի ավտոմեքենաներ, որոնցից 20 հատը՝ նույն ժամանակահատվածում իրական իրացման արժեքից շուրջ 20.000.000 ՀՀ դրամ ավելի բարձր գնով, ինչի հետևանքով պետության օրինական շահերին պատճառվել է առանձնապես խոշոր չափերի գույքային վնաս, որն առաջացրել է ծանր հետևանքներ», - նշվում է հաղորդագրությունում:

Ավելին, 2011թ.-ին Միհրան Պողոսյանը օտարերկրյա քաղաքացիների միջոցով Պանամայի Հանրապետությունում հիմնադրել է ձեռնարկատիրական գործունեություն իրականացնող «Հոփքինթեն թրեյդինքգ ինքորփորեյթիդ» և «Սիգթեմ ռեալ իսթեյթ ինքորփորեյթիդ» ընկերությունները, իսկ նույն տարվա հոկտեմբեր ամսին նրա անմիջական մասնակցությամբ ընկերությունների օտարերկրացի տնօրենների փոխարեն համապատասխան պաշտոններում նշանակվել են Միհրան Պողոսյանի մտերիմ անձինք: Այնուհետև Միհրան Պողոսյանը վստահված անձանց միջոցով մասնակցել է Պանամայի օֆշորային գոտում գրանցված վերոհիշյալ կազմակերպությունների կառավարմանը, ինչի արդյունքում վերջիններս Հայաստանում հիմնադրել են այլ ընկերություններ, այդ թվում՝ «Բեսթ ռեալթի» ՍՊԸ-ն:

Միհրան Պողոսյանը, ի պաշտոնե արտոնություններ և առավելություններ տրամադրելու եղանակով հովանավորելով նշված կազմակերպությանը, 2014թ. ապրիլի 17-ին փաստացի իր կողմից կառավարվող «Բեսթ ռեալթի» ՍՊ ընկերության հետ կնքել է անշարժ և շարժական գույքի գնահատման պայմանագիր, որի հիման վրա ընկերությունը 2014-2016թթ անշարժ և շարժական գույքի գնահատման ծառայություններ է մատուցել ՀՀ ԱՆ ԴԱՀԿ ծառայությանը` Միհրան Պողոսյանի հովանավորչությամբ կատարելով գույքի գնահատումների գերակշիռ մասը, որի արդյունքում ՀՀ պետական բյուջեի՝ հարկադիր կատարման ծառայությանը հատկացված միջոցներից վերոհիշյալ ժամանակահատվածում նշված կազմակերպությանը վճարվել է 43.890.000 ՀՀ դրամ գումար:

«2019թ.-ի ապրիլի 13-ին ՀՀ հատուկ քննչական ծառայության քննիչի կողմից միջնորդություն է ներկայացվել Երևանի ընդհանուր իրավասության դատարան` Միհրան Պողոսյանի նկատմամբ կալանավորումը որպես խափանման միջոց ընտրելու համար: Նրա նկատմամբ հայտարարվել է հետախուզում», - նշվում է տարածած հաղորդագրությունում:

Նախաքննությունը շարունակվում է: Քրեական գործով նշանակվել են ֆինանսատնտեսական ստուգումներ և փորձաքննություններ` հնարավոր այլ չարաշահումները բացահայտելու ուղղությամբ:-0-


Թեմատիկ նյութեր
Բաժնի այլ նյութեր
22:06
21 Հոկտեմբերի 2019
Ձերբակալվել է ՀՀ ԱԺ աշխատակազմի ղեկավարի նախկին տեղակալը պաշտոնեական կեղծիք կատարելու կասկածանքով
Ձերբակալվել է ՀՀ ԱԺ աշխատակազմի ղեկավարի նախկին տեղակալը պաշտոնեական կեղծիք կատարելու կասկածանքով:
21:09
21 Հոկտեմբերի 2019
Փաշինյանը գաղտնի կրկնապատկել է նախարարների և նրանց տեղակալների աշխատավարձերը
Վարչապետ Նիկոլ Փաշինյանն էապես ավելացրել է նախարարների, նրանց տեղակալների և նախարարությունների գլխավոր քարտուղարների աշխատավարձերը։
18:58
21 Հոկտեմբերի 2019
«Անհասկանալի հայտարարություն». Ավինյանը մեկնաբանել է Կադաստրի պետի հրաժարականը
Հայաստանի փոխվարչապետ Տիգրան Ավինյանը երկուշաբթի մեկնաբանեց Անշարժ գույքի պետկադաստրի նախկին նախագահ Սարհատ Պետրոսյանի հրաժարականը։
18:00
21 Հոկտեմբերի 2019
ՀՀ փոխվարչապետը մեկնաբանեց Ryanair–ի հավելյալ վճարումների մասին լուրերը
Հայաստանի փոխվարչապետ Տիգրան Ավինյանը երկուշաբթի մեկնաբանեց իռլանդական Ryanair  լոուքոսթերին պետբյուջեից լրացուցիչ վճարումների մասին լուրերը։
17:24
21 Հոկտեմբերի 2019
ՀՔԾ ղեկավարը` ՍԴ նախագահի մասին. ՀՔԾ–ն քաղաքական պատվեր չի կատարելու
Սասուն Խաչատրյանը երկուշաբթի մեկնաբանել է Հայաստանի Սահմանադրական դատարանի նախագահ Հրայր Թովմասյանի հայտարարությունը
15:55
21 Հոկտեմբերի 2019
Ավելի քան 2 մլրդ դրամի պետական միջոցների կորուստ և փոշիացում Սևանա լճում «Իշխան» ձկնատեսակի պաշարների վերականգնմանն ոլորտում. հարուցվել է քրգործ
Ավելի քան 2 մլրդ դրամի պետական միջոցների կորուստ և փոշիացում Սևանա լճում «Իշխան» ձկնատեսակի պաշարների վերականգնմանն ոլորտում. հարուցվել է քրգործ։
13:47
21 Հոկտեմբերի 2019
Հայաստանի միջպետական ճանապարհներից մեկում լուսանկարահանող արագաչափ կգործարկվի
Հայաստանի միջպետական ճանապարհներից մեկում լուսանկարահանող արագաչափ կգործարկվի:
12:38
21 Հոկտեմբերի 2019
Եղանակը ցրտու՞մ է, թե՞ ոչ. մեկնաբանում է Սուրենյանը
Եղանակը ցրտու՞մ է, թե՞ ոչ. մեկնաբանում է Սուրենյանը:
12:28
21 Հոկտեմբերի 2019
Փաշինյանը նշել է, թե ինչպիսին պետք է լինի «երազանքի կրթությունը» Հայաստանում (ՎԻԴԵՈ)
Փաշինյանը նշել է, թե ինչպիսին պետք է լինի «երազանքի կրթությունը» Հայաստանում:
11:49
21 Հոկտեմբերի 2019
Ջերմուկից երևաց առաջին ձյունոտ սարը (ՖՈՏՈ)
Վայոց Ձորի լեռներում տեղացել է առաջին ձյունը։
10:29
21 Հոկտեմբերի 2019
Տրանսպորտի նոր համակարգի ներդրումն` առաջնահերթ խնդիր. Հայկ Մարությանը մասնակցում է BusWorld Europe 2019 ցուցահանդեսին (ՖՈՏՈ)
Տրանսպորտի նոր համակարգի ներդրումն` առաջնահերթ խնդիր. Հայկ Մարությանը Բրյուսելում մասնակցում է BusWorld Europe 2019 ցուցահանդեսին։

14:59
20 Հոկտեմբերի 2019
Ուշադրություն` ստուգումներ. կերակրի աղի շուկայում մի շարք խախտումներ են հայտնաբերվել
Ուշադրություն` ստուգումներ. կերակրի աղի շուկայում մի շարք խախտումներ են հայտնաբերվել: