ՀՀ ԱԳՆ. չարժե դրամատիզացնել Լվովում ստեղծված իրավիճակը

ԵՐԵՎԱՆ, 19 մայիսի. /Նովոստի–Արմենիա/. ՀՀ ԱԳՆ մամուլի քարտուղար Տիգրան Բալայանը կարծում է, որ չարժե դրամատիզացնել Լվովում ստեղծված իրավիճակը, որտեղ, լրատվամիջոցների հաղորդմամբ, կարող են սրվել հարաբերությունները հայերի ու ադրբեջանցիների միջև։

Ադրբեջանի հավաքականը հեռացվել է Քունգ ֆուի եվրոպական ֆեդերացիայից՝ առանց վերականգնվելու հնարավորության>>

Նախորդ շաբաթ տասնյակ ադրբեջանցիներ հարձակվել են հայ մարզիկների վրա Քունգ ֆուի եվրոպական առաջնության ժամանակ։ Դրանից հետո տեղեկատվություն ստացվեց հայերի և հարձակման որոշ մասնակիցների միջև գրանցված ընդհարման մասին։

Հայաստանի քունգ ֆուի ֆեդերացիան պահանջում է հեռացնել ադրբեջանցի մարզիկներին միջազգային մրցաշարերից>>

«Հայաստանի դեսպանատունը զբաղվում է այդ հարցով, հետևում է իրավիճակի զարգացմանը և մշտական կապի մեջ է իրավապահ մարմինների ղեկավարության և տեղական իշխանությունների, մեր հայրենակիցների հետ։ Չարժե դրամատիզացնել իրավիճակը», – ասաց Բալայանը «Նովոստի–Արմենիա» գործակալությանը։ –0–